532
「博士，已經通知咗生化小組。」研究員放下有線電話的聽筒。 「叫佢哋喺莊月明樓等，立即出發。」岑博士翻找出一把類似槍的儀器，又拋了個防毒面具給我：「你一陣會用到，雖然可能無咩用，當買個安心。」 另外，岑博士也準備了一個鉛製棺木，他說鉛可有效阻止輻射擴散，原本打算用作收容室的聖母身上，誰想到最後會用在另一隻身上。 準備萬全後，岑博士披件雨衣，便上去研究門口等待。 「呢把係……」我打量他手上的儀器。 「電離輻射巡測儀，可以探測一般水平嘅伽馬輻射。」 「已經諗到應對方法？」我目光由下移上，凝視經已古稀之年的博士。 「首先要搵到聖母嘅本體，如果唔係講咩都多餘。」 「但總要消滅佢。」 「消滅唔到，你知道聖母點解會突然間釋放咁強大嘅輻射線？係因為受到外界環境嘅刺激，就算單單係摸佢一下，都會釋放出人體正常無法承受嘅輻射劑量，攻擊越係強烈，聖母輻射量就越大，所以班軍人越開槍，佢就越難應付。」 「切頭、穿心、火燒都無用？」 「根據能量守衡原則，能量係唔會憑空消失。即係你殺咗佢，唔代表佢身體上無輻射殘留。燒到佢化灰，產生煙都會混雜住輻射粒子，一旦個天空落雨就等生癌。要徹底消失，可能到咗人類文明毀滅嗰日都唔得。」 如果輻射不會消失，當時吾禍是怎麼做，令到聖母的輻射沒有外洩…… 難道是…… 「要活埋？」 「無錯。」岑博士點點頭，看著遠處趕來的一隊人員：「將輻射埋藏係唯一嘅方法。」 很快地，那五人小隊來到岑博士面前集合：「生化小組報到。」 「今次要處理輻射，喺摩星嶺上面。」 「收到……」小隊眾人聽見輻射兩字後，眉目都不自覺緊張起來。 「咁出發。」岑博士分秒必爭。…
By
Chinese
又有，正，謝墨巴
牙mon身體應該有病爪基因所以應該冇咩事住
咁同斷脊髓有咩關係
放輻射乜玩法？？
即係聖母死左都會繼續有輻射
除非decay 你吹做0
病者就抗輻射，咁身為半個病者嘅M會唔會免疫呢？
…聖母係咪冇half life
一入去就即係自爆有病者基因
睇到一半就估到係輻射
之前吾禍入過去無事？
佢冇行到好埋 (好似 未重睇)
不過好期待墨B點樣寫落去
隻聖母玩埋輻射咁勁
D徵狀令人諗起切爾諾貝爾入去救災果班兵果陣既情況 應該參考左黎寫
冇記錯係翻譯返Professor Legasov 描述嘅輻射症狀
M睇嚟今鋪要黃了
用佢黎發電有無得諗🤔
一講起雨夜屠夫就諗起zero wind
有人欺上瞞下，厲害厲害，睇離西城薈外強中乾。
突然諗起三腦都係行唔到，但就無變聖母
佢係三重人格嘅高智商人類變成㗎嘛，冇記錯好似係個三個頭太重線行唔到。
唔該師兄，記錯左佢係本生行唔到
望落可以攞聖母做核彈攻擊其他據點🤔🤔🤔
移隻聖母落去做彈頭 😹
睇嚟應該剩係得M可以走近聖母，咁咪俾岑博士知道咗佢有病者基因？