514
山頂雨霧迷漫，雲霧繚繞。 旅館以淺藍色的欄杆圍封，豎立幾幢樓高兩層的屋子。 摩星嶺並不是由叛獵完權掌管，大門乃至旅館範圍都有西城薈軍人行行走走，可見軍方也不是完全信任他們。 我們在旅館入閘前下車，獲門口站崗的軍人敬禮，來到這間日久失修的旅館，隨即陣陣煙燻氣味傳來，吸引我們過去查看。 我們穿過屋子之間的小道，來到一片面海的空地。雖然是大白天，但兩名共坐的男子架設了營火，他們把肉吊在木架子上，任由營火產生的煙火燻香烤肉，每當珍貴的肉汁滴落時，火勢便會增大一些，發出引人唾涎之聲。 他們一個穿冬季軍衣，一個穿傳統獵人服，不會是同一個世界的人，在西城薈統一的衣著可是辨認身份的記號。 前者是個軍人不用言明，後者應該是叛獵，其服裝以黑色為主調，手套和靴子設有多重皮扣，兩腕戴著手銬，腰間紮住把武士刀，十足個暗夜獵手。 「早晨。」戈紹鷹跟他們問好。 早已察覺有人進來的叛獵，盯緊小道出口：「嚟送補給品？兩腳羊……」他的目光轉移到我身上。。 「係時候解決「樹人」。」戈紹鷹直說前來目的。 「戈大校？估唔到你都會嚟依啲荒山野嶺啊，你似乎有咩重要嘢想發表，要我迴避一下？」跟叛獵烤肉的軍人，是個一等士官長。 「朴士官長，你繼續坐。」戈紹鷹保持負手：「一陣塊羊肉燒過頭就唔好」 「仲以為西城薈一早有咗共識，樹人只需要監視，唔需要消滅。」朴士官長為烤肉灑上少量砂糖，以取代蜜糖。 「情況唔同，我哋多咗位病獵顧問。」戈紹鷹續說。 「即係初嚟報到，咁你即管試下落去山洞入面，施展你所謂嘅猛烈攻擊，睇下你幾時會放棄依個不切實際嘅諗法。」朴士官長語帶輕蔑，不把我放在眼內。 那名殺傷力看來很高的叛獵，仍然專心在肉汁四溢的羊肉上，全程不發一言。 「俾少少資料可以？話哂你哋都監視咗成年。」鑒於對方都算半個客人，戈紹鷹盡量客氣：「吾禍。」 「食埋塊肉再講。」這個叫吾禍的叛獵，置一切於度外。 耐心的戈紹鷹也坐到營火一旁：「你哋叛獵每月嘅補給品仲豐富過我哋校級。」 朴士官長帶著意義不明的笑容，道出自己的猜測：「戈大校，你突然咁想搞掂「樹人」，係諗住喺開戰之前升上將級？祝你真係成功，咁到時作戰指揮就有好大權力。」…
By
Chinese
幸運時間
正，食飯有文睇
開心到瞓唔着，明明係唔開心到瞓唔着
無左m 又發現媽媽咁愛國
應該好多野諗
有冇可能綁架韓湘老豆老母出西城？咁樣就唔使嘥時間說服咁愛國嘅韓湘老母。
佢唔想走 迫佢都冇用啦
要收編叛獵了，
知道叛獵有苦衷
兩老見其一，老母唔見得會放低身段，應該會死。
今晚仲有無
到底韓b做咗咩令老母睇得出佢地識呢？
點解係會講土凶獸而唔係樹人
個大將點會知咩嚟🤔
可能叛獵都叫土凶獸？
佢地叫樹人