495
明雲主要過來義診，居民經歷過最為艱辛的開荒期，長久下去總有積下小病不適。 少佐則送贈禦寒衣物，協助居民渡過難熬的冬天。 其實這兩項善舉，都不過是向對方倖存區表達善意，畢竟這世界中多個朋友，總好過多個敵人，我無法想像艾康都到來的畫面，會是怎麼樣。 以前的社會我們普遍喜歡冬天，因為有舒服的暖氣機、氣氛十足的聖誕節、掩蓋身材的漂亮大衣，窩在被子裡還會比較好睡。 如今這季節真是要了我們的命，大部份農作物枯萎、容易冷病，起火都更為耗時，一堆不便利生存的因素。 整理好物資和診病後，三大首腦便在運動場室內，隨意找間有椅子的房間坐下，因為我三人都認識，於是背靠木門前站著，聽聽他們往後在將軍澳的日子有什麼高見和打算。 「容許我講下艾寶琳嘅狀況，佢哋因為不顧一切嘅盲目進攻，而損失咗至少三分之一嘅軍力，而且個司令官都重傷，加上嚟緊係冬天，全個倖存區為咗儲備糧食，唔會有多餘人手去出征，所以佢哋短期內應該唔再有力還擊。」港豬把大戰的結果，先說給他們知道。 「如果艾康真係敢繼續攻打聯合倖存區嘅話，我哋大本營會立即幫忙。」少佐對艾寶琳的態度轉為強硬。 「康城會係你嘅戰略伙伴。」明雲都給予港豬信心。 「兩位領導人意見一致，咁就最好。」 「我哋三個必須要合作，同艾寶琳斷交之後，好多食糧都會進口唔到，可能又要捱陣餓，但好彩我哋有繁殖食用蟲技術，飽足唔係問題。」少佐做好最壞打算。 「可以教埋我哋？」港豬知道食糧是倖存區一大問題。 「無問題，但我哋技術總監愛紗去咗港島，可能要遲啲先教到你。」 「講起愛紗，搵槍嘅事有冇下文？」我問。 「佢已經出發去咗港島，但仲未有回覆，如果真係搵到槍……應該可以令艾康唔敢再侵犯我哋。」 「以前你哋大本營唔係搜括咗不良人嘅據點？我諗入面應該有唔少槍械彈藥先係……」明雲提及往事。 少佐語帶遺憾：「我哋最後用哂喺清除將軍澳街上嘅病者到，邊諗到幾年之後艾氏第一任國王個仔會係個暴君。」 「係呢，明雲，博海德佢點？」這段時間我都沒有去探望他。 「都係未醒，但我每日有幫佢按摩緊小腿肌肉，希望唔好萎縮得太勁。」明雲輕拍著自己大腿。 「呀啊啊！！！」外面忽地傳來尖叫。…
By
Chinese
十卜十卜
其實當日都唔應該放君釗返去，等陣變左變左病者點算
秦狩立flag？