494
添加了木碎的湯無阻士兵食欲，他們的確在十五分鐘的時限內清光，把鍋子裡的湯渣喝得一滴不剩。 「早啲休息。」韓湘旋即離開，轉身而去：「聽日早起工作。」 群龍無首的士兵各自散去，不少人選擇到兒童休樂室中，入面地板以軟墊鋪成，他們可以舒適地躺下。 一橋之隔，我們回到慶典一樣的運動場裡，寬闊的雨棚上懸掛一條又一條的彩色三角旗子，從高點呈斜連接到地面的支柱，不知哪裡找來的復古點唱機，正播放美國四、五十年代的經典歌曲，喧嚷的居民瘋狂晃動自己的身體，散發著戰勝的喜悅。 跑道外近飲水機處，有間以木板和廢鐵搭建的臨時酒吧，那裡的空氣混雜著煙酒的氣味，遊走全場的港豬正跟居民四處交流，也問候了八名工作人員派湯的情況。 「幾位順利？班士兵有冇怨言。」 「有係有啊，仲差啲搞到好大件事……不過好彩，馬克先生同韓小姐搞掂咗佢哋。」居民如實地回報。 「佢兩個？」港豬看見舞區共舞的我倆。 我和韓湘在沉迷陶醉樂曲下，跳著簡單而老舊的舞步，這些社交舞我在馬場的時候粗略學過，不是太大問題。 「無諗過你都識跳。」韓湘蛾眉輕揚，頗為意外。 「西城薈有教埋你跳舞？」我笑問。 「大學嘅舞會到學過。」 「兩位麻煩哂，聽講你哋搞掂咗班士兵。」港豬彎身亂入，擋在我和韓湘之間。 「小意思。」我和韓湘單手牽住彼此，然後舉手跨過港豬的頭頂，自轉個圈才雙手握住對方：「我諗韓湘可以教到你點管理嗰班友。」 「願聞其詳。」港豬跟過來。 「知道點樣管理紀律部隊？」韓湘斜眼一瞟。 「摧毀自尊……再幫佢哋重新建立？」港豬都有聽說過這方法。 「嗯，咁樣做可以。」 「管理唔係我強項，物色人選先係。」話中有話的港豬，正式作出邀請：「唔知韓湘小姐，你有冇意願想幫我管理下？」 「關我咩事？」不會婉轉的韓湘，有時候直接得傷人。…
By
Chinese
感謝 早文
成五點先出，你肯定仲叫早文？🙄
直接當朝早先出文啦🤧
都早喎 一早起身有得睇仲唔早？😹
呢輪故事好好，
但出文時間好飄忽，
墨巴亦冇咩心機理好餓嘅我地。。。
我諗跟住個劇情應該係摩西成為咗戰力，然後就轉返港島王達尼到
多謝墨巴🙇🏻♀️
有無番外講韓湘既成軍之路
早啊 我5點起身岩岩好🙌🏻
西城薈唸住用重典治亂世?
我有個有爭議性嘅建議，不如將依家嘅一日一更變做一週一更？
咁可以比墨巴有更大嘅創作空間，而唔係為追每日出文令好多位收喺最精彩個位。
如果改用一週一更，咁可以更聚焦喺個章節個故事上面，而唔係一部分嘅故事。
雖然依家喺啲最精彩位都會有連更，但黎緊墨巴有多啲唔同故開個時，會唔會應付唔黎？
當然呢個提議都有缺憾，就係要原先習慣睇日更嘅讀者等一個星期囉囉攣⋯⋯包括我在內，
唔知大家點睇呢？
開放討論or 開Post 討論都得
贊成
一周一更係一次過7篇定係都係1大篇先🤔
等一日我都等到想死 仲要我等七日😂😂 不過係幾好嘅建議👍🏻
一周一更太長
可以周中一更，周未再一更
文既長短又唔需要定死，當然要睇墨巴，可能佢呢期有其他野攪緊，好快會回覆正常
反對😂 因為隔太耐會唔記得哂情節，而且每日睇故嘅10分鐘係我可以腦袋放空嘅時間，一早成為左習慣。
比左錢都冇一日一更，不能接受
有 但要晏出 呢兩日有野做緊
加油。
反對，本身買呢個plan嗰陣係預咗文量多連登兩倍，仲有v14外傳
但依家呢兩樣都冇守到承諾
何況個plan有限期，想喺有限期前睇得幾多得幾多
Totally agree , 我哋應該係最支持墨說既讀者。冇文不追文，反提倡一週一更，大愛到。。。
巴打講得岩， 其實都係想睇前d 快d 先join, 如果skip 文既， 咁不如返連登睇啦。。。 另外v14 又好似未有
墨巴都覆左會出，等多陣就有🥳
大家買得 Pass 都係撐墨巴，希望出文機器快 D 返😉
追文係可以 但係唔好太過迫墨巴佢自有分數 一日隨時番三更都試過 都好準時 比啲支持可能仲多文
反對