451
大家飽餐一頓，各自回到房間休息。 留下南淵七病獵、南征部隊分隊長、王達尼和我，討論一下案情。 「將軍澳嗰邊有冇新品種病者？」元蒼叼住一根煙，問。 「無，全部都係我哋應該付得嚟。」我回答。 「到時用咩戰術，要睇下地型再決定。」姜河冥說。 「箭隊可以發動幾多波亂箭。」秦狩問。 「大概三十波。」竹三草回應。 「如果病者企得密集？。」換范世京問。 「算密。」 「咁嘅話，除咗弓手外，全部病獵都帶盾，準備縱橫推擠，將佢哋逼入一點，再用亂箭集中射殺。」元蒼馬上說出一個戰略。 「亂箭填充嗰陣，長槍手就企上第二度陣線的盾牌上面，繼續應付被夾殺嘅病者。」石在陽補充。 「就咁決定。」秦狩一錘定音。 看見這幕的王達尼，偷偷湊近我耳邊：「你好似完全唔洗出聲咁……」 「佢哋都係戰場上嘅老兵，唔需要我指導。」我小聲回應王達尼。 王達尼瞧向聶一凜：「咁嗰個呢？佢好似無出過聲，成個謝師宴嘅毒……」 「佢先係最勁嗰個，秦狩永遠俾佢自己一個單兵作戰。」 「估唔到。」 戰略討論完畢後，秦狩問我意見：「M，你點睇。」 「聽落無咩問題，到時再睇下環境點處理。」我說。 「好。」…
By
Chinese
好期待第一場過海遠征
感恩啊！！！有幾篇睇！！！