440
「睇嚟今晚又洗訓。」大舊站出來，身先事卒：「我加班，睇到太陽出嚟。」 「我都係！」、「我可以聽朝先訓。」、「預埋我。」、「我都得。」 快要換班的守衛，都主動留下站崗。 「如果三十分鐘後，外面仲係無動靜嘅，大舊你帶人出去燒咗病者啲屍體。」少佐下令。 「收到。」 少佐想一想，又說：「再喺出面加鐵絲網，防止病者突入。」 「唔好。」我有個想法。 「Ｍ，你有咩意見？」少佐望向我。 「整絆線陷阱，材料用鋼線，咁下次真係有班踩單車嘅友仔，喺外面經過嘅話，自然會仆哂落地，再捉佢哋返嚟拷問。」我提出自己的見解。 「都好，咁先治本，就咁決定。」 事情暫時完結，我跟韓湘打個眼色，準備返回天台，卻有一群人叫住我。 「Ｍ先生！」 「嗯？」我瞧一瞧後面。 是剛剛與我一起出門迎敵的戰鬥人員，他們都是約莫二、三十歲上下。 「多謝你啊！你啱啱真係好勁……」這些讚美的話，我老早聽得毫無感覺，但見他們誠摯的樣子，我還是欣然點頭。 上樓梯的時候，韓湘提醒我：「你去洗個身先，成身病者血。」 「嗯。」 我到一樓的洗手間快快沖身，把一盤水傾倒落自己身上，讓病者血液經由排水口流走。 給冷水提神過後，我直接上到涼風習習的天台。 為免傷風感冒，我趁早進入帳篷避避寒風，誰知韓湘留了碗湯圓給我。…
By
Chinese
終於有M同韓線 多謝墨巴
艾康引m出黎？
開國劍好似見過佢用電
海嘅另一邊
進擊的巨人？
墨巴，可摸耳比M同韓有個good ending呀🥺🥺🥺
(´-ω-`)
返去食埋d湯圓🥲
墨巴，你成功了，
吊足大家一晚癮，
原來夕禪條線就係咁。。。
跟住呢邊線又咁樣停。。。
正。
M好型
簡單嚟講夕禪都應該真係病者
五重鐵門 + 唔洗食野
懷疑夕襌都會係M要對付嘅一種勢力
天腦