435
官員經過一番整肅清洗，暗殺名單上有七個名字給劃上一條橫線了。 至今為止，因為政府的刻意隱瞞下，大部份暗殺個案都被列為「無可疑」，但官場上的人不傻，他們嗅到了危險的氣味。夕鯨國響起了反擊的訊號，收過天環人好處的政府官員，皆人人自危。 因此，原本勢力佔優的保守派，再度跟自由派勢均力敵。 策劃過七場暗殺行動，王達尼由略帶猶豫，變得遊刃有餘，但跟接下來的暗殺對象相比，前面的目標只能說是開胃菜。 同樣的日子、同樣的時間、同樣的地點，王達尼來到東角街的破舊電話亭。 他把銀幣精準投入到錢孔中，電話筒夾到肩膊一邊，雙手則掏煙點火，吐出一口蒼茫的霧靄。 「嘟嘟嘟……」 「王生，準備好下一個目標？」接線的依舊是相同的女職員。 「到底仲有幾多個……」王達尼不禁想問。 「暗殺行動已經起咗震懾作用，之後落嚟要殺雞警猴，以上說話係曾生要我對你轉述。」 「殺雞警猴？」 「下一個目標，係保守派議員──譚國剛。」 「終於到佢……」王達尼喜上眉梢。 「譚國剛係保守派副代表，亦係夕鯨國嘅議員，作為議員佢身份唔同，佢係受民選出嚟，為市民向政府發聲嘅公眾人物，唔同一般匿喺辦公室嘅政府官員，你一定要令佢死於「意外」，否則會激起民憤，到時我哋不得不將你交出。」 「嗯……」王達尼的腦海裡，正飛快地思考著各種意外。 「有問題可以再聯絡我。」 「其實我一直有個問題。」 「請講。」 「我幫你哋殺人時不時會整親手腳，唔知你哋會唔會有少少醫藥費可以……」王達尼還未說完，電話直接被掛斷。 「嘟……嘟……嘟……」…
By
Chinese
“即使”有急救員和呼吸器的幫助
hitman,好鬼正
墨巴啲文最近啲字好唔連貫 成日missing 真係有啲位要讀者腦補
忽然諗起Windzero
hitman 1 北海道😂
最尾個句有少少暗示