407
「無聊？會唔會係咁。」貪鼠表示懷疑。 「馬克哥仔肯定講緊笑，再無聊嘅人都唔會闖入皇宮到自殺。」練道仁突然賣起關子：「不過同你哋講啊......除咗艾幣之外，金庫仲有樣好值得偷嘅嘢。」 「係咩啊？」王大剛問。 「艾幣模。」練道仁答。 「模？」 「當年第一任艾氏國王，命令我製作世上第一塊艾幣嗰陣，專門整出嚟嘅艾幣模具！如果拎到個模具，就等同於可以無限印錢......」 「咁個艾幣模仲喺皇宮到！？」王大剛追問。 「某程度上我都係為艾幣模而嚟，嗰個模具簡直係巧奪天工嘅藝術品，連我自己都複製唔到第二次！模具上面嗰種細緻，只可以靠最精密嘅專業儀器整到，當時為免有其他人偽造艾幣，喺完成模具之後，艾氏國王就將個雕刻儀器破壞咗......」練道仁說出那模具的價值。 「咁班政府狗咪可以自己收埋偷偷哋無限印錢！仲等我哋小市民傻傻咁返工！」王大剛莫名地氣憤。 「以前嘅世界每個國家嘅政府不嬲都係咁做，你唔洗依家先咁嬲。」貪鼠聽得明白，續問模具下落：「你知個模具喺邊？」 「貪鼠小妹，你都想得到？」 「都係問下......」 「當時啊，艾幣印到同國庫儲備嘅黃金價值相等之後，為防止發生貨幣貶值嘅情況，國王就將世上唯一嘅艾幣模具收埋起嚟，嗰陣我仲被皇室邀請，係見證呢個儀式嘅來賓之一！無記錯應該喺國庫最深入嘅位置！」練道仁留意到我默不作聲，於是問：「馬克哥仔，你做咩唔發表下意見？」 「行動以外嘅嘢，唔好諗太多。」我舉起手錶，時針即將搭正十二時：「仲有最後三十秒......」 不知不覺，行動快將展開，大家這才真正緊張起來。 我倒數給練道仁知道，讓他適時點燃炸藥。 「三。」 「二。」 「一。」 「唦唦──」放熱性炸彈的火光冒出。…
By
Chinese
等韓湘M中…
總係覺得當中有人會背叛⋯⋯
好短
又捉鬼😹