399
「你今日帶我嚟，就係為咗間接拉我入黨？」 這個白月草向來神龍見首不見尾，如今港豬承認是自己，那就說明他認可我。 「唔理你承唔承認，你已經踩咗半隻腳入嚟反皇權。」港豬落到台下，走到前排的賴桑旁邊：「賴桑一早向我介紹咗你。」 身為反皇派一份子的賴桑，他能坐在前席似乎備受黨派重視。 「M，一段時間無見。」賴桑說出我本名。 「賴桑。」我來到他面前，跟老戰友問好。 「關於你嘅事我一早瞭若指掌，包括你嘅本名......M。」港豬搭著我肩膀，繼續說：「由你嗰日被艾康邀請入宮教劍，然後願意幫賴桑畫「內宮」嘅地圖嗰陣，你嘅付出我已經認可，係可以值得信任嘅人，加上你幫我搞掂埋陳十禍，我先帶你嚟依到。」 難怪港豬知道這麼多事情，我都忘了有賴桑的存在。 「本來上次想邀請你加入，可惜你走得太快，我連接觸你嘅機會都無，今次你再出現，我覺得天時地利人和都齊哂。」港豬說。 「M你放心，依到嘅反皇派成員，都係黨派入面最忠誠嘅一員，絕對唔會有艾康嘅人喺到。」賴桑續說。 「咁依個地方係......」我環視逐漸散去的反皇派黨員。 「反皇派暫時嘅總部。」賴桑給我說明：「唔需要擔心，依到算係偏僻，連病者都無幾隻。」 「雖然我同你哋理念一樣都想艾匡上任，但我依家首要任務係賺錢幫我一位朋友俾醫藥費。」 「你到底需要賺幾多艾幣先夠？」港豬直接問一個數目。 「至少七百萬艾幣。」我說出一年的醫藥費。 「七百萬......」賴桑怔然。 「呢個數目你就算接我啲工，打生打死都未必有。」港豬坦然地說。 「除咗你嘅差事外，我已經搵唔到賺更多艾幣嘅方法。」老實說，我也不是很想替港豬工作。 「就算做皇室嘅一級政務官都唔會有咁嘅年薪......」深知皇室架構的賴桑答。 港豬低下頭，像想到了什麼：「有件差事......係可以賺到依個數。」…
By
Chinese
點解一定要有公主，病港前都唔係君王制
起義需要精神領袖
睇返舊文
唔係之前已經喺將軍澳運動場成立咗個聯合倖存區？
但而家先啟動？
Yes
真係估唔到牙豬係牙草😨😨
佢地講嘢咁大聲唔驚現場有一雙艾康嘅耳目?