396
「揀之前，可唔可以聽我講一講，聽完你一定會對我大大改觀。」陳十禍保持卑躬屈膝，訴說不知給誰聽的廢話：「以前啊，我仲喺倖存區生活嘅日子嗰陣，就經常去酒館到惹事生非，因為打架嗰陣我可以換取大量痛楚，因為我童年嘅事，影響到我大個變咗個被虐狂......得痛楚先可以換取我嘅亢奮，後來我嗰到人嘅外殼實在太堅韌，佢哋一直保護住我哋最敏感嘅內臟器官，因為嗰啲位置一旦受到傷害，就會換嚟強烈無比嘅痛楚，所以我一直都研究緊，點樣可以得到呢份美妙嘅痛楚。」 「你嘅背景，唔會影響到選擇。」 「後嚟啊，傳出艾氏皇室第一任國王重病，我同經常流連酒吧嘅兄弟一齊打下劫、搞下事，喺倖存區搞咗一連串暴動之後，就成為皇室口中嘅暴民......嘿，我有幻想過自己推翻艾氏皇朝，自己做國王，但事實話俾我知皇權係不容挑戰。第一任國王重病嗰陣，艾康國王借機攝政，佢快速平亂拘捕咗我嘅一班兄弟，作為頭目嘅我自然俾艾康重點施刑，佢對我施下各種酷刑......但係我無因痛楚而半死不活，反而因為自身嗜痛嘅質素，而極為興奮！哈......」陳十禍說到這裡，不禁流露笑意。 「......」 「艾康國王見我捱咗咁耐，獎勵我一啲食物......辣椒。唔係普通嘅辣椒，係印度鬼椒，俗稱「鬼椒」，正常人一旦食用，嘴巴發麻發熱不在話下，腹痛胃痛都會緊接而嚟，佢叫人將一大碗魔鬼椒塞入我個口，當時我個口好似吞緊火焰咁，但就換嚟咗無窮無盡嘅痛楚，痛楚就分泌類似腎上腺素嘅感覺，一直想要感受內臟痛楚嘅我終於搵到個唔會輕易致命嘅方法，就係食辣椒，哈哈哈哈哈......艾康國王見我無痛苦之餘，仲表現出強烈嘅興奮，覺得我係個有趣嘅人，而個別釋放咗我，至於其他同我生事嘅暴民，都因為食大量辣椒而死，然後佢仲任用幫佢訓練皇室未來嘅僕人，我注定依一世都會跟隨艾康國王。」 「我完全見唔到求情嘅理由。」 「求情？我講咁多嘢，都不過係想等嗰種興奮嘅分泌，慢慢流傳全身......」陳十禍抬頭，望向我劍尖：「而依家，啱啱好。」 「嗖！」我向前一刺。 陳十禍快速從腰包拿出一罐胡椒噴霧作抵擋，劍刃穿過罐身一刻，濺出了大量的刺激性噴霧，沒戴上鳥嘴面具的我瞬間受到影響。 「咔」陳十禍把罐子的安全扣拉開，隨即一陣刺鼻的氣體炸開。 「呯」 「咳......咳咳咳！」我掩著口鼻，退後兩、三米。 眼水、鼻水、口水，全部都不由自主地流出，刺痛的感覺令我無法完全撐開眼睛。 「依種刺激氣體簡直係一種恩賜！」陳十禍驀地飛膝襲來，踢我一個措手不及：「包圍住全身，皮囊、毛孔、細胞，每個部位都感受到刺痛嘅感覺......」 陳十禍居然把化學的刺激，看待成美妙的沐浴。 「你都應該好好感受下！」陳十禍又從腰包灑出椒紅色的粉末向我。 原本久經辛苦才睜開眼眸的我，再得面對那些辣椒磨成的粉末！ 「......咳！」 空氣無時無刻都處於刺激環境下，天生體質特殊的陳十禍發了瘋似的，用其彷彿無窮的力氣把我壓在地上不斷猛打。 我兩指一伸，使出閉日刺眼。…
By
Chinese
宜家有成個賺錢工場養博海德M可以專心食女啦。
好變態，但挑斷腳筋點工作
挑腳筋 用手做嘢
如果m唔係錢 應該會手起刀落😹
飲酒嗰idea同張澄喺地鐵站對嗰個公會一樣😂🤭