387
「似乎嗰班地下水渠嘅老鼠，已經向你推介咗我。」 我握住港豬的手，站了起身：「佢哋話，你有賺錢嘅方法？」 「你可以咁講，我欣賞你一瓶打落老闆個頭到，仲夠膽喺無受邀請嘅情況下單拖搵黑鼠商團。」港豬搭著我肩膀，叼住根雪茄：「我哋入去飲返杯先。」 「嚀」回到酒吧中，可見老闆正替頭部包紮。 「歡迎光......」老闆說到一半，氣急敗壞的指住我：「你仲敢返入嚟！」 「嘿！就當係俾面我好無？」港豬伸展雙臂，表達寬宏大量。 可能港豬在江湖中有些地位，酒吧老闆把怒氣吞下：「啍。」 他把我帶到專屬的卡位，那張金屬桌子上放有不同的酒、水煙壺、鈔票、藥丸和雪茄，很有黑幫小頭目的感覺。 「點叫你？」一坐下，港豬便問。 「馬克。」繼續沿用假名。 「我介紹自己先，其他人俾個稱號我叫「鐵血 ‧ 港豬」，嗰名係怪怪哋，你叫我港豬就可以。」 「你個名有咩意思？」一般人我不會問，但他的實在怪得離奇。 「就好似你個名一樣，只係個假名。」港豬吐出一口濃煙，說出自己名字的意義：「豬象徵住個人利益主義同資本主義，呢兩樣係我嘅人生觀，後嚟我做事做出一啲名氣，啲人就喺前面幫我加上「鐵血」兩隻字，表示我呢種心態同觀念已經堅硬如鐵，深入血肉。」 「原來係咁。」 「馬克依個名，係你媽媽細過幫你改嘅英文名？然後你身處喺末日後，覺得可以掌控自己嘅自由，而將個名由英譯成中？」嘴尖舌快的港豬，又搭住我膊頭：「嘿Mark，你真係個壞男孩。」 「錯哂。」我名字單純從聖經參考。 「好，唔緊要馬克，名唔係你坐低喺到嘅重點，重點係每個人都想喺艾寶琳發達，但寂寂無名嘅人總係欠缺一個機會。」港豬舉起手指，如數家珍般：「打從末日之後，艾寶琳出過好多傳奇人物，除咗你啱啱搵嘅黑鼠，仲有「初代病獵 ‧…
By
Chinese
加更求求你
我終於出場幾句啦!
希望有更多巴絲畫我啦
開心
自動腦補伊之助
港豬🤭
睇完呢篇100%肯定湯婆就係牧師
同瑪希有不和 似足Dr.D咁執意研究病者 我行我素 仲話中有話 做病獵唔係為殺盡病者 光復 南征又唔幫拖 另外其他大病獵都好忠心唔似 M應該閉日佢！