376
上班前需了解工作環境，霍洛圖很願意充當我的導遊，他是病獵協會的秘書長，大小事務都由他處理，可以理解為雜務大臣。 他首先帶我參觀研究室，推開大門後畫面跟我想像中有出入。 我原本以為會是一伙專心研究，埋頭於藥劑實驗的研究員，結果卻大出我所料。 「各位午安，呢位即將加入嘅新同事，滿天先生。」霍洛圖熱情地介紹。 這些研究員中，有的椅子上午睡、有的優閒地喝茶、有的注視著牛頓擺、有的玩數獨、有的閱讀報章，總言之就是一群上午喝紅茶，下午才工作的老不死。 「各位......」霍洛圖再次敲敲門。 「呃，阿霍洛圖？做咩事。」他們這才回神過來。 「呢位研究室嘅新同事，滿天先生。」霍洛圖再次介紹。 「喔，歡迎！歡迎！我叫吉啊，既然係咁......」藥師吉從取出些材料，逕自做起實驗：「為咗慶祝有新血，我請你飲枝可樂先，你等等啊，幫你將碳酸水加加壓。」 看到這幕，我不禁發怔：「用咁珍貴嘅加壓系統嚟整可樂？」 「呃，哈哈哈，係啊。」吉說。 這裡有一半的實驗器材，都是我研究室中可遇不可求，用來做可樂的話未免大才小用。 「可樂就唔洗，我咖啡就夠。」 「我哋有糖、有奶。」喝茶的女研究員急急放下杯子，像找到插口話題而欣喜地說。 「我習慣黑啡。」 「如果滿天先生有咩疑難，希望各位可以幫幫手，唔阻你哋慢慢......」霍洛圖輕輕關上門，悄然地離開。 我走入研究室逐一審視每樣設備和工具，說不上當今最先進，但至少不太落後，足夠做到大部份的實驗。 我還未看完全部，吉就過來將我擋住：「嗱，我就係主管啦。我哋研究室嘅規矩就好簡單，協會每星期都會發放清單嚟，話要製作啲咩，我哋整完準時交到貨就搞掂，之後全部係自由時間，你想睇下書又得、做下體操都得，都係唔好，體操有啲危險，總之唔好太大動作，搞到大麻煩就可以，好似坐窗口位嗰個肥龍，學佢咁整下牛頓擺呢啲小玩意都可以。」 「咁平時要製作嘅嘢係？」我問。 「呃，不外乎止血粉、漂白劑、肥皂、強酸、鹽、砂糖、純淨水之類、麻醉藥、毒素，解剖病者拎到嘅素材就通常病獵自己做埋，然後送過嚟俾我哋，大致就係咁。」…
By
Chinese
雲梨語氣好唔同
真係好似係真25仔
不過現實都係咁上下
墨巴可能lecture緊班後生讀者
放咁多日假都好似冇加更，
墨巴好狠心。。
樹鄉…原來仲有人記得
樹鄉一定係邪教呀😭
之前Mon講過話如果要對抗天環人就要混入佢哋呀嘛,所以雲梨有冇可能係同Mon夾埋,當然我唔相信雲梨係25仔
分分鐘雲梨畀個病爪頭滿天都係計劃之一…
磨牙
幾乎全個禮拜都係每日一篇…
這個weekend再唔加更點講得過去 😡
呢邊又冇加更，小松又冇update……
我改緊小松 但未係時候放
你地咪咁啦 墨巴第三隻腳都要放鬆下嫁🥲
唔知點解硬係有不祥嘅預感…
睇返最前邊M喺樹鄉嘅情節，似乎一木脫離咗天環教？樹鄉見唔到任何天腦形象或者關連嘅教義（或者可能時間太短而無發現），同之前M去西環教堂係截然不同。或者一木發現咗天腦真相，於是叛教出走樹鄉？
天腦👿