368

一上岸就給捕捉的韓湘，被帶到某個單位問話。

期間，韓湘有環顧周遭的人與物，發現康城這塊小小的寶地，發展程度跟港島區相差無幾，一些發電的設備都較為先進。大概是因為他們以南的將軍澳工業邨，有大量科技公司的關係，讓他們可以直接從下面獲取資源。

良久，有個戴眼鏡的斯文男士，走入到單位中。

「小姐，點稱呼？」

「Trista。」韓湘一直坐在椅上，一動不動。

「你份人向來好憂鬱同哀傷？你個名有依個含義。」這男士的學歷程度明顯不低。

「我開朗同健談。」韓湘說謊不眨眼。

「點解我感受唔到？」男士無奈一笑，坐在韓湘的對面：「神情同氣質依樣嘢，係呃唔到人，講返正題先……歡迎嚟到康城倖存區。」

「我嘅榮幸。」

「首先介紹自己先，我叫張獻忠。我唔知你嚟嘅目的、唔知你嘅背景、唔知你係個咩人，但我希望喺接下落嚟嘅環節，都會得到解答。」張獻忠說。

「你係專門負責審問外來者？」

「可以咁講，我哋盡量保持和平，就好似依家咁，唔需要存在任何大話，可以？」

翹腿的韓湘，寬容地點頭。

「好，咁我哋開始。」張獻忠倒杯水給她，並展開了詢問：「想問下，你係嚟自邊到、咩地方、嗰邊嘅環境係點？」

「港島區，有個叫夕鯨國嘅地方，由鰂魚涌延伸到西環一帶。」

「咁聽落，都幾多人。」

「人口保守估計，都有十萬以上。」

「有冇內亂、戰爭之類？行皇室帝制、獨裁統治定係民主路線。」

「類似聯邦嘅制度，各區有唔同嘅自治制度。」

「好，咁你呢？」張獻忠放下筆錄。

「我搵緊一個人，你哋可能認識佢。」

「係？」

「Ｍ。」

「Ｍ啊……」張獻忠似乎在尋思什麼。

「佢曾經同我講過，你哋倖存區嘅故事。」韓湘憶述海上飄流的日子。

「既然係咁，你可以講到少少出嚟？」

「康城以前係由兩個勢力分立管治。」

張獻忠站起來：「我搵另一個人，嚟同你傾傾。」

又過一小時，有個面容睿智，氣態沉穩的男性行入單位：「唔好意思，啱啱做完個手術，有少少遲。」

他髮中帶些少灰白，可能是經常用腦過度的結果。

「我係明雲，初次見面。」明雲伸出友誼之手。

等待多時的韓湘，伸手握住。

「我已經聽講過，你係認識Ｍ。」明雲坐下。

「嗯。」韓湘點頭。

「我都認識佢，但點樣證明到你，並唔係佢仇家？」

「你叫佢嚟，就一切都明白。」

「佢暫時離開咗，留低咗個同伴喺到俾我哋照顧。」明雲說。

「博海德？」

「你知佢個名？佢昏迷緊。」明雲望一下別處，說：「我諗，就應該係佢哋個熱氣球降落失事個陣，為咗減輕重量，個位叫博海德嘅先生果斷跳咗落水到，但要知道如果喺一定高度跳落水，始終都會造成骨折、腦震盪之類嘅情況。」

「換言之，康城暫時無人可以確認你身份。」明雲續說出結論。

「所以要將我趕走？定係監禁。」韓湘快人快語。

「我評估過，你危險程度應該唔高嘅，但如果你想要逗留，或者喺將軍澳區活動，我哋就需要你用隻船做擔保，你一有任何危害行為，隻船就收歸我哋所有。」明雲提出條件。

韓湘一副何樂而不為的樣子：「比我想像中文明。」

簡單來說，就跟保釋差不多。

「如果你同意嘅，我就以康城倖存區領導人身份，同你作出呢個口頭承諾。」

「可以。」

「咁Trista，你暫時自由，要出去區外就自便，但我哋唔會提供任何援助。」明雲把門打開，讓她出去。

「你知道佢去咗邊？」韓湘出門前，問。

「理論上全個將軍澳得三個地方去到，第一大本營、第二艾寶琳，第三松木村，祝你好運。」

韓湘步出單位時，看向今夜的明月深深呼吸。

第二段尋覓的旅途，又再開始。

遠在夕鯨國，都有個人正準備返回家鄉。

他正是管理人辦公室中，正忙著翻找防毒面具的王達尼。

「上次飲大咗個陣，到底放咗喺邊……」

他東翻西找一遍後，終於在垃圾桶中尋回防毒面具。

需要防毒面具的原因，是因為要越過海底隧道。

雖然隧道中的毒素自然分解著，但有個面具總會安全些。

行事向來獨來獨往的王達尼，依舊不帶一個下屬，只帶上單車和油燈，就跨區到調景嶺地鐵站下。

出發前，他有交代過自己倖存區一些工作日程，最基本的就是水、電、煤、糧，各種居民日常必需品。

其次，是釀酒廠和煙草廠。早陣子，他花了不少時間精挑細選出，能夠為帶來這些額外收益的員工。那些主要成員都是鰂魚涌倖存區土生土長的人，因而沒有什麼叛變之心。

但最主要的，還是毒品種植場。

王達尼的毒品帝國還處於開荒時期，正所謂萬事起頭難，他需要兼顧的事情極為大量。可惜，毒品市場利潤過於巨大，要是員工監守自盜被利潤蒙蔽眼睛，事情一旦暴露就會造成不可挽回的下場。

如果私釀酒和煙草只是灰色地帶，那製毒肯定就是黑色地帶。

因此，這次他返回家鄉除了要找滿天傳話外，更要帶走自己的黑鼠商團。唯獨那群由零培訓的成員，他才信任得過。

今次，他見識到天環人勢力的黑暗和腐敗，無論尋求合作還是意圖反抗，都是毫不管用。

於是，一個更為龐大盜國的計劃，

就在王達尼腦海中萌生。

凌晨夜裡間，大本營對都會駅商場的橋樑位置，王達尼鬼祟地溜入，其步伐輕聲得連大本營守衛都沒能察覺。

最終，他潛入到大本營副長愛紗作寢的房間，然後偷偷睡到床邊，等待明日一早再出發。

為什麼要靜悄悄呢？其實他不過是想給愛紗一個驚喜，沒料到翌日換來的卻是連聲的尖叫，愛紗被忽地現身的王達尼嚇壞之餘，更握起平底鍋往他身上攻擊，直至變成豬頭才放過。

「嗚嗄……嗄……咕……」王達尼捲縮起來。

「你……你幾時返咗嚟嫁……」愛紗愕然地問。

「仲諗住俾驚喜你……」

「你呢啲叫驚嚇啊！」

「哈……Ｍ有冇返過嚟？」王達尼回神過來後，第一時間問。

「好似無喎……」

「唔通降落失敗……」王達尼站起，先刷個牙：「我個刷個牙就走。」

「你嗰邊嘅事搞成點？」

「有大麻煩。」

「所以……你返嚟避難……？」

「返嚟搵救兵。」

愛紗抱手，嗔羞地說：「我無話一定跟你去嫁。」

「喔！放心，唔係搵你。」王達尼的一句話，瞬間讓愛紗心情石化。

「……」

「我係要搵「黑鼠商團」。」

驀然，天空下著綿綿的春雨。

「搵還搵，食隻荷包蛋先再出發啦。」愛紗用剛才毆打王達尼的平底鍋，細心煎起一隻蛋。

「但落緊雨喎……」王達尼坐在旁等候。

「咁又點啊？」

「落雨煎蛋？」

「有咩問題？」愛紗問。

「唔係啊嘛……」王達尼皺眉。

「咩啫？」

「唉……」

「你老闆！！！」愛紗直接把平底鍋飛擲到王達尼身上。