354
是夜，尊偉不凡的淡金光澤，於雲梨的項上生輝。 倖存區大街上，不論是悠閒散步、作賈行商、還是汲汲忙忙的，雲梨的經過都會令人矚目，他們那雙目光總會聚焦到天環上。 皆因天環人本來就屬少數特權階層，再加上銅鑼灣區什麼人都有，算是半個混雜之地，天環的子民一般不屑出現於此，使得雲梨更像罕有般的存在。 有了天環，自由出入銅鑼灣往灣仔的關口，也是件簡單不過的事。 「先生你好。」把守嚴格的關口人員一見到天環人進入，立即命人去通知署長。 對於大眾市民乃至到倖存區管理人來說，天環人會有特別的禮遇，因為他們代表住智識、權力和財富，如果把對方招待得滿意的話，說不定就可以為自己管理的倖存區帶來一些商機。 「先生，我係呢到嘅關口署長！」灣仔關口署長，特意列隊歡迎。 「嗯。」雲梨輕描淡寫地應了句，從他身邊掠過。 「唔知你需唔需要特別嘅服務咁呢？」灣仔關口署長繼續把結，像個小太監跟在雲梨身後：「我可以派一啲專員陪你安心同行，或者要唔要飲少少酒？我哋灣仔呢，最好飲就係麥酒。」 「帶我行最快到合和中心嘅路線。」雲梨讓他做些事。 「無問題！」 說罷，灣仔關口署長立即部署一隊十人，全方位保護著雲梨的安全，順便帶他到合和中心去。 「係呢，合和嗰邊係監獄嚟，唔知先生去嗰邊，係唔係去完成太平紳士嘅職責？」關口署長明顯想要拉近關口，跟雲梨說些有的沒的。 「你識得病獵協會嘅會長？」雲梨問他。 「當然識，今朝佢仲入過關口。」 「你知道，佢入咗監獄？」 「我中午嗰陣略有聽聞，區入面都有少少騷動，陪病獵會長入嚟嘅鰂魚涌管理人，仲強行闖關......詳情我都要等到聽日報紙點寫。」關口署長說。 走過幾條大街小巷，雲梨發現灣仔這個解放後的疫區，人流回復得很快。 關口署長留意到雲梨顧盼的目光，而特地說明：「雖然曾經作為疫區，灣仔呢到經濟嘅仲未返到以前水平，但大家都對重建呢塊土地好有信心，因為我哋伍錦星管理人係個管理人才，聽講佢末世前係五星級酒店嘅總經理，可以將一間兩星酒店變到去五星。」 雲梨盯向不遠處的圓柱形建築：「依我睇......佢嘅選擇唔多明智。」…
By
Chinese
就算雲梨有天環，班人應該都無咁順攤
雲梨唔係25仔嘅話，佢一定係gay
雲梨冇可能同 M yag 倒, 人地心入面有韓湘架喇!
建議寫yag唔好寫韓湘
唔駛判就坐監。。。。。
之前法庭判左禁制令
M唔可以入天環教範圍
所以M即時入獄
交換條件就係捉番個逃犯
竹三草家姐係三竹花
我都記得係三竹花
有無人竹三果?
上次審教主之死單案都令國人群情洶湧，今次應該打宣傳戰大煲特煲保守派點樣暗算佢。仲有自由派應該唔會放任M被捉吧，（更何況仲有破佛），應該可以派人幫M上訴？