350
正式獵殺病者的第一天，他們要先學會殺死自己的同伴。 面對不知會從何處冒出的病者，學徒們學懂把自己的背部交給同伴，認認真真跟每隻病者應戰。 「呀啊啊！！！」有名連殺三隻病者的學徒，可能太過高估自己的能力，走出了大伙兒作戰的主要區域，並被數隻病者重重包圍。 「救我啊！」他向後方的同學呼喊。 可惜......大家才把頭轉過去，該名學徒經已給病牙一口啃掉了半條頸。 「嗚唔......嗄......」 又目見同伴死亡的學徒們，眼睜睜的忍著情緒，先跟身邊的戰友交換了眼色，後再趕到前方殺敵。 彷彿汰弱留強的生存戰，實力較為優秀者可擁有活命的機會。 反之，則會身死。 「點解會落咗咁嘅指令......」醫療班一名女醫護，有點看不下去。 「係會長計劃書入面嘅命令，可能佢想快速磨練班學徒嘅技巧。」蒙柯亞其實有過很多衝動，想要前去救人。 但是命令，永遠大於自己。 「但聽講佢哋係未畢業嘅病獵嚟......」 「或者，係我哋太過著重訓練先真。」蒙柯亞卻說。 「蒙大病獵你意思係......？」 「我曾經都畢業過，但我成為大病獵後發現，我所學到嘅......幾乎都喺多次九死一生嘅任務入面。我諗只有實戰，先係令人真正嘅進步嘅方法，上堂教嘅最多只可以係觀念同技巧。」 轉眼間，學徒班差不多把海洋公園道上零散落單的病者清除掉，有些病者更由一旁觀察，變成轉身逃跑，但學徒並非大獲全勝，這場小小的戰役他們也死了足足十多名同學。 「暫時解決哂喇！」一名學徒班的班長，舉起了持劍的手：「呼......」 其他學徒都舉劍回應：「好！」 「有唔妥。」蒙柯亞面色一沉。…
By
Chinese
係短咗啲。。。不過呢個位停起碼無咁吊癮
用生命影響生命🥺
啊….前一章睇到喊曬..🥺
起身有文睇❤️
艾匡都係學徒喎… 佢好似唔見咗嘅?
之前有講到話艾匡無參加
睇離我要重睇喇~
今日有冇