327

「你識得去？」小林叫停門口的我。

「唔識，不過既然係島上唯一嘅醫院，應該好易認到？」

「如果係咁嘅……不如我帶你去……」小林主動提出。

「可以嘅話，當然好。」

如是者，尋覓韓湘的團隊增加一人。

長洲除了海傍街外，大多地方都燈火闌珊。

「嘩嘩嘩──」最特出的聲音是海浪。

島上居民不足一百人，大部份街道都十分冷清，偶爾才會碰到回家的孩子，連個像樣的守衛都沒有。

整體上來說，想在島上自由行動的難道不是很高，小心一些就不會給人發現。

以韓湘的技巧，應該不會有問題才是。

「係呢先生，你同韓湘小姐係咩關係？」路上，小林略帶羞澀地問。

我好好想一想：「……亦敵亦友？」

「既係敵人，又係朋友？世上有依種關係嘅咩？」小林問。

「出面嘅社會存在唔少，只係依個小島太純樸。」我說。

「你對韓湘小姐有冇愛意啊？」小林居然這樣問。

「我諗……應該無。」

「但佢、佢為你不停咁出去搵藥，你對佢無好感！？」小林語氣帶有可惜。

「有定冇，我收喺自己心中就夠。」我已經看得出，這個小林應該喜歡了韓湘，

「唔知點解……韓湘小姐俾到一種……」小林眼神放空，彷彿回憶著：「依個島上嘅女仔……無嘅感覺俾我，佢雖然有啲不近人情，但又好……」

「我唔知點講啊，我明明只係第一次見佢，但就覺佢好好……」小林心如鹿撞。

「你依啲叫一見鍾情。」

「一見鍾情？」

「好常見。」我說。

「我其實係唔係……唔應該咁快死……？韓湘小姐俾到我生存落去嘅渴望……」小林就像第一次接觸愛情的初哥，完全被感覺掌控著。

「愛情的確係樣美好嘅事物，有好多時人嘅一生……終究不過係個「愛」字。」我試著這般說，讓小林有生存下去的意念。

「但韓湘小姐更加關心嘅係你……」

「你依啲叫嫉妒。」

「嫉妒……依種感覺唔係幾好受。」小林斜眼盯著我臉孔。

小林帶路下，很快就來到長洲醫院前，幾乎不用十分鐘，更加印證韓湘不可能花那麼多時間，都還未回到東堤。

醫院三層樓高，入面烏燈黑火確實沒人運作。

「就喺依到。」小林細聲說。

正當我想動身進去前，醫院大堂內發出踏著碎片的聲音日，兩名青少年正從入面出來。

他倆手上拿著一根木棒，臉上表情不是味兒：「究竟去咗邊……」

「咁都可以喺捕獸器走到，唉！仲諗住終於可以食啲肉。」他們走到醫院門外的某個位置，發出唉聲嘆氣。

我凝神一看發現是個捕獸器，不過已遭到人為破壞。

「小偉你放心，佢隻腳都夾傷咗，應該都走唔遠，下次再撞到一定捉到佢！一齊諗下點整返好我個捕獸夾先。」他們在損壞的捕獸器前蹲下研究。

「唔通韓湘小姐佢……」小林暗自訝然。

「可能佢踩中咗依個捕獸器，為咗逃避依兩個居民嘅追捕，就暫時去咗第二到匿埋。」我說出自己的猜測。

「有可能……」小林點點頭。

長洲稱不上大，也稱不上小，到底韓湘會到哪兒去？

小林眼睛一轉，突然想到什麼：「啊！我諗韓湘小姐應該係去咗嗰個地方……」

「你知道？」

「跟我嚟！」

小林又帶我轉入某個街口，往長洲唯一燈火明亮的華威酒店過去。

「會喺入面？」我疑惑。

「繼續跟我嚟。」小林又跑快了一點。

可能我半生行事都在黑暗之下，對於有光的地方有些抗拒，但在小林的再三呼請下，我還是跟著他過去。

這間華威酒店，有別於一路見到的空房。

它明顯有較多人居住，在昏暗的街道下抬頭，可以望見一些女生，正站著露台的位置看海。

酒店設計本身就像個城堡一樣，外面被高牆圍住，而入去的方法只有門口大堂處。

「韓湘喺入面？」

「係啊，先生你見唔見到啊，入面住嘅都係女仔……」小林指向那些房間。

「所以？」我停下腳步。

我猜韓湘就算受傷，都不會跑來找人求救。

小林見我不跟過來，便轉身繼續說：「我曾經同韓湘小姐講過，入面都有藥……可能佢就係入咗去搵，但入面……入面係教宗……黃祿真嘅居住地。」

「黃祿真……」

「我懷疑韓湘小姐見醫院無，就入埋嚟依到搵……」

都不太可能。

韓湘不會蠢到，深入敵陣為我取藥。

「今晚月亮幾圓喎。」忽地，一把陌生的聲音於前方傳出。

「專心啲巡邏。」與他同行的青少年，說。

果然是教宗居住的地方，外面竟然有守衛巡邏。

因為華威酒店外的前後方，都是一條大直路，現在我們就算折返，都會立即給前方的守衛見到，於是就跨欄跳到一旁的沙灘下。

「有人！」小林跟我躲到沙灘中。

「我係咪聽錯？好似有聲……」那些守衛轉入直路。

「聽錯啫，呢到晚晚都係得浪聲，哈哈哈哈。」另一個青少年哈哈大笑。

雖然對方只是黃毛小子，卻不知怎地……

讓我屏息凝神的，乖乖躲藏著。

就當守衛要掠過我們之際，我右肩背的傷口卻被什麼按著。

「嗯？」我立即回頭。

小林跳到我背脊，死死地按著我的傷口！！！！！

「啊啊啊！！！」我難忍痛楚，不禁大叫出聲。

我想撞牆掙脫小林，可是他死不放手，持續地以指尖把我傷口弄得更痛、更傷、更深！

「咩事呀！？」直路上的守衛，馬上把頭伸到欄杆外的沙灘上。

「有入侵者呀！有入侵者呀！」小林不斷地高呼。

我仰後一跳把小林壓到沙子上，他才咳出一聲鬆開了手。

好不容易掙脫後，我馬上在沙地轉身翻滾拉開距離，然而正想拔出劍傘時，卻發現全部傘子都被小林剛才趁機奪下。

「我見韓湘小姐佢都拎一樣嘅遮……我知道係武器，我會代你保管。」小林解下了我的武裝。

「你……」我完全無言，只能愣住的看他：「點解……你要……」

「我……對唔住……我唔想有嫉妒嘅感覺……我控制唔到自己……」小林一步一步地退後，神情像入了魔：「我會代你照顧好韓湘小姐……先生請你放心……」

「來人呀！有入侵者呀！」那兩名直路上的守衛，叫來了更多守衛。

因為是教宗所居住的地方，不少附近巡邏的守衛都趕了到來，把沙灘上的重重包圍著。

他們不過是志學之年的孩子，但每個人手上都拿著一件武器，而且正向我步步邁近……

加上我傷勢在身，傘子又被小林奪去……

基本上，我陷入了萬劫不復的境地。

「捉住佢！保護救宗安全……！」年輕的守衛們大喊。

話畢，他們就一湧而上。

我逐步退到去海邊，如果我游水逃走，都應該九死一生，因為那該死的小林偷襲，用指尖把我的傷口弄得血流如注……

真諷刺……

我堂堂一個病獵會長，

居然要死在，

這群二十不到的孩子手上嗎。

「捉住佢！」

一聲令下，我被他們合力捕捉。

他們把我放倒地上，瘋狂拳打腳踢。

我礙於舊傷太痛，全身充斥發炎的劇痛，變至無力反抗，並被他們拖回到酒店……

重兵把我拖入酒店後，我見到這酒店上下不少豆蔻年華的女生，都特意走出來望我，每個人臉上都浮現了好奇，最終……

他們把我帶到酒店最高，一間特別華麗寬闊的套房。

「抬頭！」一名青年兵抓住我的頭髮，逼我向前方直視。

只見房間的大床上，躺著三個人。

其中兩個，是臉蛋不過是十二、三歲的孕婦。

躺在她位孕婦中間的，則是一名黃袍加身，面色蠟黃，步入花甲之年的老男人。

黃祿真教宗。