326
一回到東堤小築，韓湘把小林推入我們的屋中。 我見到陌生入來的第一下反應，便舉起了火傘準備向他噴射，但下秒進來的韓湘，暫停下我的行動。 「邊個嚟？」我問。 「島上一個居民。」韓湘把門關好。 「嗄啊啊......！」小林一見到我，就嚇得退到屋子角落。 「放心，佢零戰鬥力。」韓湘讓我放下心來。 「點解帶佢返嚟？」末世的生存之道，是保密好自己的藏身處。 「天又黑，又廢事佢突然間走去自殺，就先帶咗佢返嚟。要搵船嘅話，問佢就啱，佢應該係依座島年資最高......話哂都係最接近十八歲嘅人。」韓湘站在門口前。 「睇嚟你喺出面又經歷咗啲事。」 接著，韓湘就先把剛才發生的事情全都告訴我，等我有個基本的認知。 聽完後，我結論只有一個： 「邪教。」 「邪教？又好似係......」韓湘若有所思，點一點頭：「點解我無諗過。」 「我喺病港遇過太多，聽少少就睇得出。」我盯著角落中，抱腿畏縮的小林。 「咁，你好好盤問下佢，我繼續出去拎藥。」韓湘把一份藥膏，拋到我面前：「搓下佢，會好啲......我諗。」 說罷，韓湘又開門離去。 「你今次去邊？」在她臨走前問。 「醫院，長洲醫院，嗰到可能有抗生素。」 「咣」韓湘又為我出去第三次了。 老實說，有些感動。…
By
Chinese
又係邪教😁哈哈哈哈哈
希望個故事會寒得過將軍澳嗰個咩咩協會 夜晚會有舞者喺走廊跳舞嗰個
佢老母 呢到班痴線佬捉晒d女人番去歡樂 生左出黎既細路就掉出去 等佢地成長 圈養人類 然後等18歲 食人肉？