第五章
一間房,兩個人。 我的房間一半是擺放貓家具,另一半是擺放人家具。 不用說,後者才是我的極樂淨土。 「哇,你間房大成咁嘅。」小松一進來,眼睛閃閃發光:「哇!依個小貓寺好得意啊!!」 小松所說的,正是我祖母小時候花錢找工藝師打造的小寢室──小貓寺。 簡單來說,就是個模仿寺廟外貌貓屋,大小符合一般貓居住。 「我都想入住啊......」小松不知怎地,把半個頭伸入到我的小貓寺。 「啊、喂。」我想伸手阻止她的行為,但貓掌根本拉她不住。 對人類來說,就像模型屋趣緻。 這回也是頭一次,有陌生的女生入到我房間,而且把頭直接伸入我的小貓寺。 「哇,小栗!原來你喺入面收埋咁多罐頭嫁......」小松好像發現了我某些秘密。 「咳,請你繼續保守秘密。」我能足不出戶的原因,是因為會一次過拿取幾日份量的罐頭。 好不容易,調皮的小松視察完我的小貓寺。 但仍然...... 在我的房間內。 頭髮亂了的她,像探索完一場冒險:「好啦,唔再參觀你間屋,我嚟係要教你做人,我有十七年經驗。」 「祖母下咁樣嘅決定,未免太突然。」我坐下來。 「聽蘭婆婆講,佢以前都請過老師教你嘢?不過今次唔係老師,你可以當係朋友咁解!」小松張開手。 「以前啲導師因為唔識聽貓語,每次上堂我都要強制變成人,既然你係識聽,我就維持本軀。」 「對住啲動物!」小松把我捉起來,放到眼前凝視:「我係唔會留情嫁喎。」…
「小栗, *我* 聞到你陣味,出嚟吧。」母親說。