296
病獵苦澀一笑，道出現實：「算吧～我哋呢啲級數嘅病獵，去到南面都只係送死。」 「驗屍官，廚房有肉湯，見攰就去飲。」我說。 「你有心會長......」驗屍官按著太陽穴，感到有些昏眩：「連續幾日睇咗咁多條屍，我都對肉無乜興趣......」 我低頭凝視著屍體，為他蓋上白布。 我想，雲梨他們出了些狀況。 為打聽他們最新的行蹤，我到病房詢問一位雲梨部隊的傷兵。 「雲梨大病獵佢哋喺聖公會田灣始南小學到......」傷兵說起南面，口齒還是有些顫抖：「原本諗住靠西接近黃竹坑車廠收集情報，，但到咗墳場嗰到......有個百發百中嘅怪物阻住我哋......」 「怪物？」 「我唔知應該點講......總之我哋見都未見到佢真身......就不斷俾佢用狙擊槍壓制，有啲人就俾佢一槍打爆個頭，稍為露出個頭少少......佢都會即刻開槍、命中......而且係接近二十四小時都瞄準住我哋，原本我哋以為開槍嘅係人......但依家我開始覺得佢係怪物......」 「咁你哋大隊唔暫時撤退？」我問。 「無辦法......我哋一有疑似走嘅舉動，對方就會利用狙擊槍打落物件上嘅聲音，吸引周遭嘅病者去到學校附近，令我哋被迫要守住喺入面。」傷兵指著自己的腳掌，說：「我比較幸運，只係個傳令兵，用一隻腳掌嘅代價走甩咗......」 「當時係點？」 「雲梨大病獵幫我清開一條血路，要求我帶口訊返嚟......」傷兵眼光泛起了陣痛，說出當時九死一生的經過：「我跑番入山嗰陣，俾個狙擊手用槍打甩咗一邊腳掌......我即刻喺地上用轉身嘅方式移動......移動到草叢入面唔郁，幫自己止血，再徒手爬上咗段山路，靠薛墊仁大病獵嘅巡邏部隊搵到，我先執返條命......係到今日先醒返......」 看來，我有必要過去看看。 我乘著夜色，從港島徑二段出發。 凌晨的南區風勢特別凌厲，陰涼刺骨的冷風會呼呼作響。 在山坡小石梯的位置，有隻腫瘤人發現我的存在。 「嘐嗚！！！」他快速向我靠近。 其身上的腫瘤越發越大，我先是一腳把他踢開，然後舉起盾傘擋住即將爆裂的腫瘤濃液。 「嘭嘭嘭！！！！！」…
By
Chinese
睇到好吊癮！！墨巴加油😎
傑洛曼來了
話不定傑洛曼還未死？
係咪班解放軍+舊政府啊？
我申請今日加一更，
聽日唔加住
覺得係西城薈
如果係咁佢就應該會引來好多病者
西城薈for sure
狗就係狗 病港入面都咁黑人憎😹
正呀 辛苦墨巴
或者杰洛曼 變左病腦🤢
冇喇冇喇下星期要休更了
今晚冇
有文？
琴日墨巴IG公報因為選舉停文一天
今日有冇
南淵7病者….