295
「好好安息，我會盡量唔令你嘅離逝變成笑話。」薛墊仁屍體都不看一眼，就疾風般回到營地去。 「喂！喂喂......」我叫也叫不住，他就一根箭般跑走。 回到地面，我第一時間躺在路邊休息。 「咁大塊肉......」我斜眼盯著那隻，才剛斷氣的巨型野豬：「要我一個搬返去......」 我死裡逃生後就把死野豬揹上，一步步回到薛墊仁部隊的營地。 因為太過重的關係，我走了許久才到達營地。 那時候天已黃昏，差不多回去的時候。 到我接近營地，我聽見到病獵們似乎在討論我。 「邊有可能......我晏就先見完會長......」 「薛大病獵！會長到底死係咩可怕嘅病者身上......」 「我要幫會長報仇。」 薛墊仁正跟隊員們，訴說我的死因：「......好似係大眼。」 「吓，大、大眼？」病獵一個二個，都大掉眼鏡。 「總之佢好英勇咁戰死，返到倖存區之後，人哋問起就咁講。」薛墊仁咳一咳。 「咁會長條屍呢......？」一位病獵終於問起。 「喺太下游嘅位置，我唔想浪費腳力落去收屍......」薛墊仁看見到隊員們訝異的神情，立即更改說法：「人死咗，就應該歸自然，會長跌落去嗰陣講咗句遺言，話自己好想同啲花花草草死埋一齊，就成全佢吧......咳，當然你哋想幫佢收屍都可以，喺水壩下面，但唔好帶嚟營地，條屍應該發緊臭......」 這個薛墊仁平日冷淡，但現在又冷淡得我想笑。 「嗯，我仲喺地獄帶咗隻豬俾你哋食。」踏入營地的我，把重如泰山的野豬放下。 「會長！！？」病獵們大驚。 「係鬼！？」只有薛墊仁顯露出害怕。…
By
Chinese
薛賤人？
謝墨巴兩更
謝墨巴2更🙇♂️🙇♂️
佢係內鬼？
佢應該似係為協會嘅聲譽着想。
謝墨巴兩更
呢d日常都幾搞鬼🤣🤣
呢兩更有翻以前啲感覺😂好正
笑死 賤人應該唔係鬼😂
好好笑🤣
咁佢應該唔係壞人
做咩成日都疑神疑鬼😹
笑死😂
佢唔似內鬼喇
佢似真心感謝瑪希以前比機會佢改過自身