293
「略有聽聞，真係不幸。」我盡可能回答得體。 「老實講，其實係幾幸運，畢竟遺產可以早一步分配。」李躍龍毫不諱言地，說出自己真實想法：「只要過多幾個月，穩定好家族旗下企業嘅資金流同埋大股東，基本上就可以對外宣稱李氏已死。」 「咁真係恭喜你。」 「但我阿爺喺倖存區入面，話哂係個舉足輕重嘅人物，發生咁大件事，總要對外界有個交代，總要有個解釋，點解佢會突然間消失、離世。」李躍龍站在我面前，正視著我：「咁啱，我喺某個可靠嘅人身上得到個消息，佢話我阿爺消失嗰晚，正正喺太平山頂上，而同晚你哋病獵協會似乎都喺上面有所行動？」 「無錯，剿滅賊營行動。」這個事實全世界都知道。 「又會咁啱，喺我阿爺李氏上去之後就有行動？哈，我唔係話剿滅賊營係個錯誤嘅決定，但點解偏偏嗰一日先進行？」 我沒有對外宣佈，那晚上去是要拯救瑪希會長。 李躍龍應該以為我，有心把人帶上去宰掉他阿爺吧。 但我大概知道誰說漏嘴...... 大河孝。 這傢伙驀地提出，要轉移去外面的監倉，果然有目的。 「巧合到真係不禁令我懷疑......」李躍龍終於要說出那一句：「到底我家人嘅死，你哋有冇份參與同隱瞞？」 我沉默片刻：「依個係好大嘅指控。」 「我只係想你答我一句。」李躍龍語氣既深沉，又凝重：「有啊～定冇？」 「無，病獵協會絕對唔會傷害平民百姓。」我答。 李躍龍點點頭，退後幾步：「你啱，畢竟我都無證無據，都係得啲口實嘅消息，永遠都唔會知道真相。」 「有一句說話我特別鐘意，『你眼前所見嘅係事實，但並非係真相』，祝你早日搵到真相。」我贈他一句。 「我做事都有個原則，就係每件事嘅最後......都一定要有個人負責。」李躍龍寬容一笑，轉身而去：「記住呢一句，病獵會長。」 「嘭──」李躍龍連同保鑣們離開。 「會長，有麻煩？對方係西環區管理人......」一直在接待處看戲的霍洛圖，這才出來問道。…
By
Chinese
懷念第一隻病爪bomi
DR.D。。。
完全係dr.d做法
點解唔揼扁佢個頭破壞佢個腦？
會唔會打到隻病爪shot左令佢記憶覺醒🤔
講起Dr.D同埋實驗 我諗起滿天既前一個實驗品 只有痛苦只有痛苦只有痛苦😹
其實剁做肉碎唔得咩?
雙子盜賊話俾獄長聽再話俾佢知啦。。。。
之後我估佢話阿爺死左無關係， 重係幫左佢上位tim😎