隨著各戰線的展開,我每天都收到最新的情報。
包括,陳一劍的部隊已經推進到香港仔隧道往南的出口,並以交通基建管理有限公司作為戰線的據點,設置了大量木欄柵作為防禦。
另一邊廂,雲梨的部隊經已到達南面,正從奇力山的港島徑二段,試著接近南方領域,暫時未有任何人員傷亡。
薛墊仁雖然話不多,但行動力十足,已經全面控制望南的山路。
相反,富馬史那邊卻好像出現了問題。
因為他多天仍未能領軍抵達,我想要他佔領的深水灣道。
根據傳令兵最新得來的報告顯示,他們的大部隊持續幾天,都仍然在西旅指揮部作戰,是出了什麼問題嗎。
雖然富馬史沒向我求救,但責任就是檢視任何問題的我,還是上馬前往了。
港島北大部份地區,對於正常病獵來說,自由走動基本上沒太大問題,我在牆外的市區遇見病者,只會快馬加鞭回避他們,不作太多無謂的糾纏。
但有些時候,你總得出手解決……
例如在主要道路上,有隻病牙將你阻擋住。
我的做法很簡單,拔出劍傘騎馬斬殺。
來到黃泥涌峽道的西旅指揮部時,天色泛出詭異的血紅。
這赤色的紅霞,在日落時份很少會出現。
沿路我看到滿地都是病者的屍體,富馬史的部隊似乎一路過關斬將,再加上前方有兵刃相交的聲音,特別有戰火連天的味道。
有大量病者的屍體,就自不免有病獵的屍體,他們會被同伴用白布掩蓋住,但我眼下所見,只有約莫三具,損失不是太過嚴重。
途中,有些休息的病獵,就坐在一旁的地上,見我策馬而來,紛紛投來目光。
「會長!?」
我急剎戰馬,向他詢問:「富馬史大病獵喺邊?」
「佢喺前面……最前嘅戰事到……」他指向南面回答。
「前面仲有好多病者?你哋部隊好似攻咗幾日。」我說。
「唔淨止係多病者……仲有隻特殊病者特別難搞……」
「好……我去睇睇。」
又是特殊的嗎。
我再一次快馬加鞭,終於接近病獵們戰吼之處。
在進入深水灣道的長長道路上,二、三十名病獵正激烈地衝鋒,最前排的病獵手持大型盾牌,不斷向前方推進,各式各樣的病者就不斷前來冒犯。
「開盾!突刺!!!」資深病獵高喊。
眾人聽令,盾牌稍為打開一個小空隙,立馬數根長槍刺矛猛烈地伸出!
「唰唰唰──!!!!!」
「三連刺!」資深病獵再喊。
病獵們旋即收回長矛,並且再次刺出三次。
「盾陣!!!」
待最貼近盾牌的病者死後,他們才把盾牌合攏起來,繼續慢慢地推進。
「喝!!!!!!」這裡的戰爭甚是激烈,士氣都最為高漲。
「富馬史大病獵喺邊。」後方而來的我,問。
「係會長!!?富馬史大病獵佢喺最前方……」
「佢一個人?」
「係!」
「點解?」
「因為前面有隻特殊病者……我哋處理咗幾日都唔掂……」
我騎馬繞過部隊們,來到最前方的戰爭點,南風道和深水灣道的迴旋路口,這兒正是我要他們佔領紮營的地方,但如今仍是一個交戰場地。
富馬史他正跟一隻全身燃燒著火焰的病爪戰鬥。
這隻病爪是我曾經在財政司司長官邸,見過的男性病爪。
我認病者,比認人還要厲害。
「嗚嘩唦!!!!」病爪使出凌厲地撲擊,快如電光火石。
單手持矛的富馬史彎身避開一記,撲身閃避又躲開一記,最後看準時機一矛貫穿正第三次飛撲過來的病爪!解決了敵人。
「嗚啊嗄嗄啊呀……」病爪全身放軟。
恐怖而凶猛的行動,伴隨低沉的笑聲中止……
富馬史將長矛拔出,低著身子喘氣。
「富馬史。」我騎馬緩緩接近。
「會長……?」富馬史看向我,並警告著:「唔好太接近宜到……」
「嗯?」
「宜隻病爪……好快就會重生……」富馬史說。
「宜家仲係日落,應該會燒到佢變成灰燼先係。」我說。
「佢唔同……」富馬史這才說出,自己部隊這數天的經歷:「我哋原本已經攻入到深水灣入面嗰堆豪宅到,但我就喺財政司司長官邸到遇到佢……當時我同佢交戰咗幾個回合,以為佢會燒成灰燼而死……結果佢喺灰燼中重生……」
「點解!?」我印象中,上次都有把他燒死才離開。
「佢識得脫皮重生。」富馬史說。
脫皮重生……
「嘎……嗄……吼……嘐嘐……」本應燃燒殆盡的男病爪,其久經燃燒的皮膚下,居然隱藏著另一塊皮層。
那皮層正迅速地擴張,直至將外在傷痕累累、燒成焦黑皮膚脫開。
「咯……咯……」外皮開始牢固不住內在。
「啪咯……!」全身的久經焚燒的舊皮膚,像衣服般脫掉。
「我哋就係因為咁節節敗退……」富馬史慢慢跟他拉開距離,準備再一次地戰鬥:「而佢就一直追擊到宜到。」
「有冇肢解佢。」我問。
「嘗試過,但佢全身復原能力極快,就算完整切開咗……佢斷肢都好快會重生。」富馬史凝視漸漸站起的男病爪。
我下馬,拔出劍傘一同應對:「咁即係……佢係不死者……」
連日光都無法解決的男病爪,我們該當如何應付。
更何況,現在太陽都下山了。
重生過後的男病爪,發出刺耳的咆哮:「吼吼吼吼吼!!!!!!」
繼而,再向富馬史進攻!兩腳躍前,兩手胡亂地揮爪。
「嗖!」富馬史一記會心,刺在男病爪的胸口。
後方的我一劍刺入男病爪的心瓣,他立刻轉身揮爪,幸好我及早閃避。
「唦嘐!!!」男病爪想要襲向富馬史。
我拿起鉤傘,發射鉤抓將劍傘的手柄勾住,再收繩將它連同男病爪扯到面前,然後拔出插於其體內的劍傘,轉身閃到他的面前,快速往脖子砍出兩刀!
謝加更
墨巴佛心🙇♂️🙇♂️
感謝!萬聖節快樂~🎃
傑洛曼😢
病獵大師…….
唔明
男病爪好大機會係傑洛曼
邊個黎?
雲梨師傅 183章有講係深水灣戰死但唔知有冇自殺 同埋無記錯佢係著西裝
*係咪自殺 141章有提過傑洛曼著西裝 152章有講男病爪著住破損的西裝 不過都係估估下LOL
點解
傑洛曼唔係雲梨師傅咩?
佢應該自殺死咗先係
佢係死守 冇自殺
應該感染咗
點解覺得係佢?
一開始係我估係佢嘅 但係可能真係唔係😂
我以為男病爪係住係財政司果家既男主人
如果佢既重生能力幫到瑪昆就好
隻男病爪可以開到官邸入面既野 唔係傑洛曼喎….
不過M又準備要用坑渠封爪大法?
傑洛曼前身可能係財政司保鑣或者心腹?所以又開到門,開槍又勁
推斷男病爪係傑洛曼原因如下:
破損的西裝→雲梨回憶入面 第一次見佢嗰時係着西裝
財政司官邸出現→佢生前就係死守喺財政司官邸
唔係wor 男病爪係隻眼要用嚟開門嗰集ar m都話認得佢
墨巴可以隨時修改,
等我地估唔中🤣
有方向討論係好事,好熱鬧啊,
如果每日都有呢啲估下就好了
之後會唔會活捉左翻去,比瑪昆睇中重生能力主動感染自己
瑪昆變其中一個大boss!
隻新詭人唔係叫瑪昆咩?