286
在霍洛圖打點下，我們當日就可以押送大河孝到監獄去。 見面禮方面，我不想特意外出挑選，就隨隨便便在盜賊營一役的戰利品中，挑選了一瓶「霞珠紅酒」給典獄長。 簡單為大河孝戴上手扣和腳鐐，就帶同兩名病獵出發。 踏出協會門口的大河孝重見陽光，眼睛有點適應不來，完全睜不開。 鼻子彷彿從未吸過這般新鮮的空氣，而貪婪地大吸著。 路上他受旁人側目，大河孝牙齒隱隱作響，他在咬牙打顫。 來到銅鑼灣的關口前，我們才發現倖存區之間經已重新封閉。 就是說一般平民除了得到管理人批文許可，否則不得越過其他倖存區。 「返去吧！你無文件唔可以過去！」駐守關口的士兵，拒絕一位老婦通過。 「點解呀......明明......一個月前都唔係咁......」老婦彎身哀求著：「求下你喇，我個孫喺灣仔區啊......」 「呢啲係政府決定。」士兵們嚴正聲明，向正在關口前排隊的市民說：「其他人都係！無文件一律唔批准通過。」 「呢個國家真係朝令夕改......」押送大河孝的病獵搖一搖頭。 「可能因為夕鯨國真正嘅話事人，已經唔存在。」霍洛圖說。 「此話何解？」另一名病獵問。 「我以前喺金鐘政府內部做過，入面啲派系鬥爭都幾激烈......但概括上嚟講，一邊係「保守派」、一邊係「自由派」，對於一個有統治者嘅地方嚟講，國家方針有呢兩大勢力都係正常，但當無咗統治者去決定一切政策發展，就會變成兩派人嘅鬥爭，邊一面因為政局得勢，政策就會傾向嗰一邊，形成你口中嘅朝令夕改。」 「哇，霍洛圖你居然少少嘢都分析到呢一點......」兩名病獵都很吃驚。 「政治鬥爭嘅戰場上，呢啲都只係基本。最近封返倖存區關口，我估計係因為區內爆發病者事件，而令主張封閉嘅保守派暫時得勢，而重新下令各個倖存區封鎖。」霍洛圖續說。 「哈哈哈，不過呢啲都唔關我哋協會事。」病獵抓抓頭。 「絕對關，呢個倖存區上嘅一切，都係兩邊勢力用嚟權鬥嘅籌碼，講到尾呢班金鐘人同天環人都一樣，係倖存區嘅核心。」 我開腔：「嗯，話唔定有一日，我哋都會被迫歸邊。」…
By
Chinese
但你照你幫我睇睇？
借呢條路上到北面？定南面？
手提“範”
睇埋前文後理 係講緊大量病者成日由嗰條路又南上北
磨牙
又黎吊癮，
墨巴你真像天腦般狡猾
我們都在墨巴的病港中
我地會唔會都係中二病
終於有人記得牙孝
霍洛圖有冇可能係奸既
佢知道協會既一切
因為發任務 所以同個個病獵都熟
可以打探情報
最尾會唔會整咗把mon hunt嘅噴射大劍出嚟😂
幾時有得睇新故，啱啱先發覺收費網多左個故，但未睇得😂
點解我個名後面多左個太陽？
覺得實有1-2隊全滅><