279
因為中間一人的決心，其他人都跟他而呼喊。 縱使「南淵七病獵」的故事，是被埋藏於陽光底下的傳說。 那名回答堅決的病獵，其勇氣還是感染到其他人。 「病獵，我可以知道你個名？」我詢問他。 「我叫裘褓，我一直就喺等緊宜日，等緊再次光復南面......」裘褓的最大特色莫過於其衣服，是把病獵協會的標誌以簡單的顏料畫上去。 這簡單而不起眼的舉動，足以看出他對協會的忠誠。 其他剛才激動地回應的病獵，都各自回應著：「我就係等緊會長講南征呢一句！我發誓，今次即使死，都會喺嗰到直到死為止。」 他們想要南征，都有各自的理由。 「或者，你哋宜刻只係麻木咁，想為過去嘅同伴報仇，但宜家我想同你哋講一個故事，南方嘅黃竹坑車廠係第一次南征戰爭嘅大據點，好多人以為嗰到得返腐爛嘅屍體同長眠嘅靈魂，但實際上......仍然有七名病獵奮戰緊。」 台下病獵都紛紛露出錯愕的表情，並且暗自討論著，但就沒一個人知道真相。 「佢哋係第一次南征戰爭堅決死守喺入面嘅病獵，我因為某些機緣之下，見過佢哋一次，但遺憾帶唔到佢哋出嚟......」說到這裡，我刻意加大聲浪：「但我答應過佢哋，再返去嗰陣就會係帶住一班人過去，我唔會俾佢哋喺嗰到孤獨奮戰。」 「所以，我需要你哋每一個人。」我橫視他們每一張臉孔：「我預計過，就算成場戰爭獲勝，你哋當中都有至少八成人會葬身喺南面。」 「......」病獵們剛才的士氣，被我殘酷卻真實的說話抑壓著。 「所以想走嘅人，宜家可以轉身離開。」我沉默半晌，靜待意欲離開的人：「宜場戰爭......係送死多過戰死。」 五、四、三、 二、 一。 沒有想要離開的人。 「如果你哋唔離開，咁就好好望下身邊嘅臉孔，記住佢哋嘅樣，因為當佢哋死咗之後，只會存活喺你記憶之中，得你哋會記住佢生存過嘅證明。」 我轉身準備下台，要說的都差不多說完。…
By
Chinese
墨巴，想問下今晚仲有無文？
要睇睇有冇睡意
無問題，最力而為
Between你隻zoom升到癡咗線
?
有啲短,btw等緊酒店故文
個故名係咩啊？
《住咗間有入無出嘅酒店》
原來係咁“嗰”？
食雞肋噎死？
我哋一齊“向”南面進發
就好似見住一班“比”你愚蠢
死去嘅人類只會越來越少，定多？定死剩？
thx 成日打得急
個腦自動播巨人既片頭曲
希望有多更
病者“者”唔會減少
大貓寺的小王子咩文嚟???
神秘文
竟然係小松 我仲以為篇嘢係墨B啲貓嘅日常嚟
睇嚟墨巴有睡意😭
好熱血
會！！！！！！！！
好熱血😍
睇到起雞皮，久違嘅熱血
差咁啲，協會啲人未必個個都知七位，突然聽到有人生存就肯去南征有啲突兀
啱丫，差左入夕鯨嗰封信同七個執照。
好正
撐手足撐到底😢🥺救poly
南淵七病獵..終於可以返去食雞蛋
感覺有啲突兀，班人都唔知南邊7病獵既故事，M只係交代兩句, 無啦啦就表到激動咁
同感 應該要講下佢地係邊個
Eg副會長秦狩咁
酒店故係墨巴寫？見個username 唔同咗😂
啱啱睇到段邱吉爾演講，鬧政府唔俾軍備啲後生軍人，可以參考下。
「我哋陸軍有班後生仔。當我諗起班後生仔幾咁盡責，要走匀全世界——十四萬個後生仔，你咪理佢哋仲係好嫩，佢哋都明知政府冇俾足夠軍備。我真心好佩服佢哋咁愛國。好佩服，好榮幸我哋國家有佢哋，但我哋國家唔佩有佢哋，除非我哋政府肯支持佢哋。」