271
「天堂有路你不走，地獄無門闖進來......」看在眼內的皇室大臣，紛紛不解地搖頭。 「好，就睇下你嘅能耐。」艾康眼角斜瞧皇室病獵一眼：「仲有冇更厲害嘅？」 「病、病爪已經係我哋活捉之中最強大嘅病者......」有些口吃的皇室病獵，馬上補充：「不過......鐵籠仲有兩隻，而且病爪喺無紫外光嘅環境下，傷勢會快速回復。」 「放埋嗰兩隻出嚟。」艾康想都不想，就下指示了。 「遵命。」 接下來，我要多面對兩隻渴血難耐的病爪。 另外兩隻病爪就像雙胞胎姊妹花，一出場便給大眾震撼的嘶叫，其混濁且退化的眼球，正試圖尋找場內移動的獵物。 我針對其視力薄弱的特性，手持騎士長劍舉至肩膀水平位置，眼睛密切地注視她倆的動靜。 「嘎吼......嘎嗨！？」病爪正疑惑著，尋找虐殺目標。 「我無咩耐性。」艾康見到膠著的局面，於是站了起來。 全場都寂靜無聲時，只得艾康一個說話，並觸動了病爪的神經。 「嗤嗤嘎！！！」病爪沒撲向我之餘，更意圖襲向艾康。 艾康人在二樓的高度關係，是不會受到任何威脅和傷害，但足夠我箭步衝去給兩隻病爪一個痛快！ 「噗！哧──」我蓄力揮斬將一隻病爪的首級斬掉。 「嗤嘻嘻嘿......」 剩下最後的一隻，他高舉兩臂的利爪，鎖定我為目標後，就無間斷地揮落施爪。 我舉著騎士長劍格擋，造成一些火花濺出，鏗鏘之聲不絕於耳，直至我右眼銳利一狠，捕捉得到某個空檔，趁病爪那半秒間的攻擊僵直，瞬速將劍從其腰腹連人帶刀劃過去！ 「嘎嘭嘹嘹！！！！」病爪高聲叫囂，迅速轉身向我施抓。 早有預料的我一手解開灰袍，從長袍脫身，使她抓了個空，繼而轉身再度施斬。 「哧──」病爪的血液大量濺出，灑落倒臥地下的多具屍體上。…
By
Chinese
M真係好型
「精彩精彩」嗰句…連墨巴都搞亂左匡同康
有樣野想問 放咁多病者出黎 本身佢地艾寶琳既人要點樣捉番？
應該鯨學派捉黎做實驗
有皇室病獵
嗚呀好型呀M
今日仲有冇
我打緊其他故 所以可能沒了
唔通酒店故真係……
哭啊
但過去嘅世界因此消失，我哋唔去力挽狂瀾，反而去劃地為牢，又係唔係活喺虛假之中？
😭😭😭 想喊
咁型得唔得架
艾康 真係好井底之蛙，仲未知出面有d 更恐怖既病者🤷♂️
墨巴繼續寫啦，
寫到病港100，打到新界我都支持。
BTW,應該諗個理由幫艾康／匡改名，
定係同音字為往後劇情有伏筆，
唔會係讀音令天腦功虧一簣啩。
同埋，我覺得艾康係咪揀左同天腦合作，所以先咁瘋狂。。。
艾康哩個節目嘅病者就係靠病獵捉返黎，但佢就睇唔起病獵。
艾康：病獵have no stake in the society
No stake個句好好笑😂
型到😍😍
M好有型啊！
酒店故😍
點解大家會估到個酒店故係墨巴寫🤣