264
鏡頭一轉，我已經站在園圃前挖土。 這園圃位置在病獵學校的正前方，平日用來種植農作物用，現在多提供一個藏屍點予我。 幸好，這邊晚上沒什麼人看管，我把君喬的屍體埋入土裡也非難事，只需要一些時間，畢竟泥土挖得太淺的話，屍臭味滲出會招人懷疑。 要挖得深，就得花點時間。 正當我努力不已時，學校閘門外卻來了一些不速之客。 「就係入面，我啱先好明確咁聽到！有個男人大叫「反皇派」呢三隻字。」有個一臉正直的平民，領著艾寶琳的士兵到來。 「請你開一開門，呢位看更阿姐。」身穿紅色軍服的士兵，向學校保安要求。 「你哋有冇搜查令之類嘅嘢啊？」保安上前問。 「我哋做嘢唔洗你教！」士兵往閘門踢上一腳，毫不退讓：「宜家懷疑呢間學有反皇派，我要立即搜查。」 「噹！」閘門微微搖晃。 「噫，咁樣我好難做。」保安皺起眉頭。 「你再唔開門，就係勾結反皇派！三、二、一！」 危急存亡之際，一把聲音打斷了士兵即將開門的舉動。 「你哋當病獵學校係自己屋企後花園......」賴桑推著輪椅，停在眾人面前：「可以自出自入？」 「賴桑先生？」士兵見到貴族區出生的人物，氣焰馬上收歛少許。 「我哋聽到入面有人大叫反皇派，我哋只係需要睇一睇，就算當係確保下你安全，你都知反皇派策劃過幾宗謀殺案，下一個唔知會唔會係到你。」另一名士兵主動向他交代。 「我奉獻皇室多年，一直鞠躬盡瘁，我落足心血咁多年嘅病獵學校，會出現反皇派？無可能，呢個係對我嘅不信任。」賴桑保持文雅。 「唔係話一定賊人，但俾我哋入去睇一睇都好！我哋點都要有個交代。」艾寶琳士兵繼續說。 「你哋嘅不信任，令奉獻皇室多年嘅忠誠，仲有為艾寶琳人民獻上雙腿嘅我，都彷彿不過係一場笑話咁。」賴桑說之以情，打動了一些艾寶琳士兵。 他們面面相覷，因為賴桑說的都是鐵一般的事實。…
By
Chinese
on9仔 死得抵
btw 以佢啲跟蹤技術M點會發現唔到 由佢開始跟蹤個刻應該已經畀M反跟蹤緊先啱
之前打隧道，再去返將軍澳，呢個會長係咪已經失蹤咗兩個幾星期?
真係自作自受
白月草會唔會係病港一出現過嘅人? btw唔會係貴華掛lol
這座病獵學校“也”不“例”外？
係唔係關艾“匡”事？
佢有冇才能我都“唔”清楚？
抵啦