256
「既然你搵到我哋所在，你想同我哋做交易？」她續問。 「啊......係......交易，我想做交易。」手腳都遲鈍不少的我，從衣袋掏出生化衣製作草圖：「我要以上嘅材料......」 寶拉上前，接過草圖細閱：「......呢啲材料唔易。」 「所以先搵上你哋......」我按一下太陽穴：「話說你哋樽酒到底落咗咩，我成個人感覺好渙散。」 「落咗啲會令你感知唔到，空間同時間嘅成份，γ—羥基丁酸，聽過？」寶拉瞟了我一眼，說：「放心，呢種狀態會過，我哋都係保護自己。」 談生意的時候，把客戶弄成神志不清的也就只有他們。 「阿倫，佢要嘅嘢你覺得點？」寶拉把草圖交給另一個人觀看。 「你要我估價？」名為阿倫的男子，從幽暗處行出。 「嗯。」 「我諗，過千萬艾幣都唔係無可能，呢啲滅絕品一般地方唔會有。」阿倫說。 「呢位先生，你點稱呼？」寶拉問我。 「馬克......」 「交易進行之前，我都要確定你有口袋有足夠嘅錢。」寶拉舉起一隻手指，說：「一口價，一千五百八十萬艾幣。」 「我......」我拿出小錢袋，慢慢點算著：「五百八十艾幣就有......」 「咁可能要送返你上地面。」寶拉拍拍手，大家準備動手。 「等陣......有冇咩嘢物品，係可以抵押呢個價值。」我叫停他們。 寶拉想一想：「有，毒品、器官、子彈、槍枝、藥物、晶片、名酒、燃料、金條，你有邊樣？」 「毒品......」我的手緩慢地伸手口袋：「我有。」 還記得，之前在港安醫院幫助蒙柯亞製藥嗎。 我把其中幾顆ＬＳＤ沒收了，現在終於能大派用場。…
By
Chinese
辛苦墨巴了
GAY
係“得”我哋先知道？
左揮手出一記空拳/ 左手揮出一記空拳？
我將流星錘由上「」直揮過去？
好「鍾」意誘騙外面嘅倖存者
thx
放假希望加一更
牙鼠🤔🤔