224
如釋重擔的王達尼先是放下發電機，然後將電線接駁到電風扇和立式照明燈上。因為發電機入面早有足夠電源，他只需按下啟動就可以。 「轟」發電機的引擎低沉地咆哮，機身微微震動。 「打埋個靚燈先。」王達尼將立式照明燈，放到照及大鼻的位置：「開燈，合埋對眼。」 「噠」燈一開，強力的白光映入眼縫內。 長期待漆黑的環境的眼睛，一旦突然湧入了強光，就會感到強烈不適，幸有王達尼一提，我及早合上眼皮才無事。 光一往前方照亮，就能看見無數的大鼻正擠滿在路軌中。 「哇......點搞啊......」王達尼被數量驚嚇到。 「慢慢搞。」我握好長槍，說：「較大個風力。」 「呼──」王達尼將電風扇風力較大，路軌內瀰漫的毒氣便往風向飄去。 「咁我有冇咩武器咁？」王達尼問。 「你幫我留意住情況就得。」我小心地步前。 「喔，好......」王達尼跟隨其後。 相較於地面上的病者，這些大鼻似乎不太容易受到刺激。 即使我在十米距離下裝備好東西，大鼻們還是不聞不問。 王達尼都感疑慮：「點解、佢哋好似無咩反應咁......莫非呢啲係廢啲？」 「我唯一俾到嘅解釋，就係大鼻不嬲依賴氣味、嗅覺去探測人類嘅存在，但因為路軌入面長期充斥住有毒同刺味嘅高濃度氣體，我哋人類嘅氣味喺宜層保護下，就相對地被掩蓋住。」 「咁真係焉知非福。」王達尼自己說完，又再問：「係咪啊？其實有冇呢句成語？」 「嘎啊？」我們靠近到他們一、兩米，大鼻才稍為有些反應。 「嗖咚！」我一槍刺入到其鼻腔中。 「嗤咧......咿嗥......」大鼻的鼻涕狂流，倒地死去。…
By
Chinese
滿足了，謝謝墨巴
唔滿足了 跪求墨巴繼續
咁睇，應該可以提早見返第一季既角色😍
原本以為要艾匡返去先見
返將軍澳了😍😍😍😍😍😍😍
達尼係走老勁d啊嘛🤣
好滾動好滾動呀呀呀呀呀滾動岩