222
露天廣場上的一眾學徒，分成了三人一組聽從導師的受課。 除了楊良之外，艾匡還跟哪位隊友在一組？ 答案很快就出現，有個矮子打著呵欠，湊近到他們兩人身邊。 「破佛......？」我定目凝視。 為什麼他又會在艾匡的旁邊？充滿好奇的我，索性步落樓梯去到露天廣場附近，近距離觀察他們的情況。 「會長，你要監堂？」蒙柯亞問。 「嗯，你有嘢做就走先。」我說。 「咁我去搵阿博海德。」 藍寧：「各位，可能你哋仲未認識身邊嗰位組員係咩名，但喺呢個世界，同伴、合作、團結就係一切，好少人係可以單槍匹馬對付唔同病者，希望你哋記住宜一點。」 藍寧：「今日係第一堂，亦都係第一日，就教你哋最基本嘅嘢先──自殺。」 「自、自殺？」、「吓？」、「咁係咩意思......」大家對自殺一字都很敏感。 也是的，未學會殺病者，就先要學會自殺。 「宜家拎一隻手出嚟，好似中醫把脈咁，將食指同中指輕輕咁放喺另一隻手腕上，如果你感覺到微微跳動嘅觸感，嗰到就係人嘅動脈，位置大約係手掌根部向胳膊兩隻手指嘅距離。」藍寧現場示範，為一眾學徒解說。 大家看完藍寧教官的示範後，都按起把脈的位置來，有的學徒面露笑容感覺到了奇妙的跳動，有的則呆頭呆腦遲遲未能觸摸得到。 艾匡還在摸索自己手腕的動脈位置時，破佛已經比她更清楚地，一隻手指戳中了她的動脈所在。 「啊...」艾匡像被人戳中穴位，然後點一點頭：「真係呢到。」 「各位搵到？」藍寧掏出把防衛小刀，作勢往自己動脈割下：「之後就係重點，記住一個守則，一旦你哋俾病者感染，要喺兩分鐘內用利器向動脈位置打直割落去，喺自己轉化成病者之前自殺，可以大大減低你同伴仲有宜個世界嘅麻煩。」 「哦！即係割脈自殺！」有個學徒提出了疑問：「但割脈唔係用刀打橫割嫁咩？」 「打橫割係你分手嗰陣先會用上。」藍寧收下防衛小刀，淺笑：「打直割係最有效率，當流出咗體內超過三份之一嘅血液時，就代表你成功，算係最無痛嘅一種死法。」 「真係點都......挽救唔到？」這大部份學徒當中，很多是未曾走出過倖存區的年輕人，他們的病者知識簡直少得可憐。…
By
Chinese
講到佢地自己無改名咁..
雙文？
期待加更
但都請墨包休息夠先
條屍真係丹尼爾？
牙丹🥺🥺🥺
好奇富林比比條線🥺
好少文