218
「咩話？」那些原本落選的人，有些難以相信。 「吓！？」他們有的更用力轉頭過來。 此時，富馬史才真正說出試煉的內容：「其實，呢場試煉有一個隱藏通關條件。基於考慮到有一部份考生，係會愚蠢咁逐個逐個關口咁出嚟，再繞路行上山，宜班人上山速度一定唔夠其他準備好其他特別方法離開倖存區嘅人快，所以我派咗第七屆即將畢業嘅學徒，喺山上假扮成受傷嘅考生。」 「你意思係......」大家紛紛望向了那些「傷者」。 他們繃緊痛苦的表情一下子放鬆，原來一切都是演技。 「就算你哋上山唔夠快，但病獵當中有一種特質，係特別難能可貴，叫做「仁慈」。只要你哋有，都可以成功通過試煉，以結果論而言，你哋不顧影響到自己合格與否，都決定孭佢哋上山，正正體現到仁慈呢一點。」富馬史主考官這一著，很多人都沒想到：。 「哈哈，你攰唔攰啊？呃咗你咁耐，唔好意思。」那些即將畢業的學徒，慰問那些揹自己上來的考生。 「好彩見你係靚女，我先救你，我先合到格......如果係男人我應該直接行過。」有個考生自覺幸運地，望著自己揹上來的師姐。 但那位名為瑞希寶的師姐，由到來開始就只是充滿愛慕地凝神注視著富馬史大病獵。 「呢堆假扮傷者嘅學徒喺邊嫁？我成程無見過嘅？」第一批通過試煉的考生問。 「假傷者分佈喺樹林入面，分別會扮成中暑、甩骹、拗柴等等，另外仲有捕獸網呢類陷阱，嚟設計上山嘅考生，如果一百名以外嘅考生救佢哋上山，咁我哋都會承認考生合格嘅資格。」富馬史又說。 艾匡想了想，難道林樂天都假扮的傷者？ 於是，她便說：「你漏咗講捕獸器。」 「捕獸器？我哋唔會放宜種造成流血性嘅陷阱。」富馬史答。 「咁......」艾匡心中默唸：「捕獸器係邊個放......」 「之後，就等其他考官為你哋介紹，病獵營嘅基本建設。」說畢，富馬史就轉身而去。 接下來，換另一位女考官為一百三十多名考生們詳細介紹：「各位合格嘅考生好，可叫我藍寧。由一刻開始，我會稱你呼哋為「學徒」，即係代表你哋係協會嘅一份子，最基本嘅守則，就係無論任何情況下，都應該聽從上級指示。」 協會少有的女病獵藍寧，招手帶領學生們過去那間荒廢多時的山頂廣場。 「我哋協會嘅分級係咁，最低係學徒、病獵、資深病獵、大病獵、病獵大師、病獵會長，原本仲會有副會長呢個位，不過暫時已經廢除咗，因為成員每年都減少緊。」藍寧轉頭向身後的考生微微一笑：「大病獵，某程度上已經稱得上係副會長，可以決策會內事務，多少都有發言權。」 艾匡真正聽完一次職位的層級，才恍惚察覺到鳥嘴先生早已站於病獵的頂點。…
By
Chinese
好火影
抵啦bm