204
戰鬥打響。 鯨寨人的喝罵聲，都在樓梯間傳出。 百里和王達尼就蹲下身子，躲在四樓辦公室的桌下。 躲藏期間，王達尼說了個讓百里發笑的要求： 「大佬，有冇得唔殺佢哋......」 「哈，呢個時候你仲諗揀殺唔殺對方？」 「殺人係底線，一旦我殺咗人，就算他日做到鯨寨管理人，都唔會得到大眾同情，最終都會落得某一日行行下街俾人用刀插死嘅下場......」王達尼合上雙手，真誠地說：「所以真係唔該你～真係幫幫手，你今日唔殺人，就等於第日救咗我一命。」 百里冷笑一聲：「我居然覺得你講得有道理。」並將同一句說話轉達給林楚。 「好，但事情會危險好多，自己小心。」作為謀略核心的林楚同意。 「但係我哋要匿到幾時？」百里問。 「睇情況先，最好匿到佢哋自己都無癮，但假如樓下嗰個橙袍僧人，繼續喺到講啲推波助瀾嘅說話煽動情緒，咁就難講啲......」 「咩意思？會點？我哋會死！？」憂心忡忡的王達尼加一把口。 「到時再講。」 忽地，外面傳來腳步來聲。 「搜下呢到！佢無可能走得甩，見住佢上樓梯，一定搵到佢。」有個人進來了。 百里半蹲聆聽腳步聲移動，待鯨寨人一進入視線範圍，就立即把對方推到牆上，加以掩住口鼻，防止他漏出一點聲音。 「唔──！」鯨寨人瞪大了眼，同時呼吸逐漸減弱。 「噓！噓噓！放心，我哋唔會殺你......」王達尼見鯨寨人被壓抑住，便到他面前告訴：「你乖乖訓一陣就得，多謝合作啊......我叫王達尼。」 「嗚唔......」因缺氧昏去。 百里將鯨寨人拉到一邊去，打算繼續躲藏於辦公室中，但對方也不是傻子，他們見剛才進入人力資源部門辦公室的人沒有回來，自自然然察覺入面有異，這次一共三人入來。…
By
Chinese
今晚仲有冇
好短😭😭
等足全日🥺🥺
今日太短唔收貨