190
「你好似覺得好稀奇，未見過咁？但你大過我，又會出咁遠地方，應該見過先係。」苗妍在這雜物房，抱著雙腿：「不過，你應該有聽過兩腳羊嘅故事？」 「兩腳羊......？」 「係啊，爸爸同我由細講到大，佢話因為香港好多羊突變嘅原因，進化成「兩腳羊」，喺出面有唔少，佢會定時定候捕捉一啲返嚟食。」 「......咁兩腳羊係點？」 「同我哋一樣有四肢、皮膚、軀殼，但係個頭係羊頭嚟，味道唔會話好差啊嘛？呢個時代有肉食算係咁。」苗妍說。 突然間，我腦中閃過苗俊砍大鼻脖子，那熟練的手法。 「你爸爸每次帶肉返嚟，兩腳羊條屍係咪都會無咗個頭......」我又說。 「噫？係啊......」苗妍眼定定，望著我：「你又知嘅？」 因為，那些根本不是羊。 的確如富林比比說...... 是人肉。 我不是說苗妍是共犯，因為根據她的說話來看，可能她也不知情。 當時只有十二歲的她，誤把爸爸說的話一直當做真理。 苗俊每次把人類屍體帶回來，為了欺騙女兒是羊，只好砍下他們的頭顱，再胡說一個兩腳羊突變的故事。 「呯、呯、呯」屋外隱約傳來敲撞聲。 「咦，咩事？」連苗妍都好奇。 我站起身，主動過去窗口探查，可是還是看不到什麼情況。 「會唔會係病者......我唔想夜晚聽到佢哋啲笑聲......」苗妍害怕起來。 正當我想行出屋外，看看發生什麼事情時，苗俊的房間出現了解鎖的聲音。 苗俊解鎖快，行落樓梯更快：「交俾我睇，你上返去休息。」…
By
Chinese
富林比比係呢個範疇可信好多🤢
將人當係羊養 一直洗自己腦？
紫荊軍？
唔會係紫荊軍啦 一東一西
比比食過？如果唔係點知人肉咩味
可能佢識所有肉嘅口感
唯獨人肉佢未食過
咁佢可能佢冇食過蝙蝠肉呢