186
我稱他們做老夫老妻，因為他們男的頭髮稀疏，女的頭髮花白，看上去經已到了耳順之年。 「你講嘅深海獸，係咩一回事？由零開始講起。」我們跟著老夫前進。 至於老妻則在後面，她就像仁慈的老奶奶安慰著驚魂未定的富林比比。 「事情呢，就係咁嘅，我原本同一班漁民，就一齊揀咗水霸呢個地方住，我哋原本係住上游，諗住呢到有天資源，又有得釣下魚應該幾好，咳咳，之但係......我哋發現村民一日比一日少，就發現咗原來大潭深水下面，住咗一隻怪物，佢會用觸鬚扯走岸邊嘅人落海底，我哋稱佢為「深海獸」。」 「怪物......」莫非，就是在上游鐵皮屋找到那些畫冊和泥雕像的原形？ 「為咗令佢唔會再捉走我哋嘅人，我哋當嗰隻怪物係神明咁拜祭，敬而遠之......直至三年前，嗰位同你拎住同一款遮嘅病獵嚟到。」老夫緩緩說出，這件往事：「佢係想嚟飲啲水、食啲魚做補給，我哋無意得知佢係病獵，就同佢講咗大潭有深海獸。點不知，佢就好爽快咁答應我哋，會幫我哋解決佢，仲話呢餐飯已經係報酬，我哋初時好驚佢死嫁......」 「之後點？」 「佢將自己隻手浸水後無耐，就觸動到深海獸冒出水面，然後佢就用你呢把嘢......！」老夫手指指著鉤傘，說：「哇，喺個天飛嚟飛去，擺嚟擺去咁款，經過隻深海獸嗰陣又斬幾刀、又開幾槍，最後飛擺到佢頭頂上高，類似拎咗枝會伸出長矛嘅遮，一下從天而降咁插入深海獸嘅後腦入面，仲貫穿出下鄂，深海獸就成隻沉入水底下面......」 「贏咗？」 「佢遮都無拎返，就由水潭上返水面，叮囑我哋半年內唔好飲到宜到嘅水，然後就離開咗，我哋想知道佢大名，佢就答自己叫「七傘武者」，成件事就係咁。」老夫說完了。 「咁你宜家想搵佢，係想聚聚舊？」 「唔係，我係想講......」老夫嘴巴在微微顫抖，說：「深海獸佢、佢無死到。」 「你意思係......」 「就喺一年前，我哋有個居民如常去運水嗰陣，見到深海獸喺水底冒出企咗起身，仲不停用力撞穿個水霸，令到下游水災泛濫，宜家好多居民都搬走咗。」老夫嘆口氣，續說：「我哋係想通知七傘武者，深海獸佢仲未完全死去，仲游走咗出大潭灣......」 「即係有機會出咗其他海域。」我默默自喃，又問：「唔好意思，你記唔記得佢主要特徵，四肢同皮膚咁。」 「深海色嘅硬殼皮膚，四肢好發達，有肌肉嘅，咳咳、成隻巨大獸人咁。」 「咁......似乎就係「水凶獸」。」 按照在南淵拷問詭人的情報來看，這隻水凶獸是逃去了大浪灣一帶。 不過...... 那個叫七傘武者的，曾經一個人挑戰這些凶獸嗎？…
By
Chinese
加速
未睇落去已經估到係七傘打水獸
btw水獸就係大浪灣呢隻？
正呀
仲以為係癈時
蒙著全身 用遮嘅 我估應該係廢時?
但廢時無7把遮
之前好似有講過七傘係全身包繃帶
如果真係廢時 唔知佢會唔會拎返把夜行傘走
呀呀呀呀呀 點解大家係都要話七傘係廢時