185
「我哋會騎馬過去？」富林比比指住那匹戰馬。 「隻馬騎唔到三個人。」我說。 「但有啲代步工具都好。」富林比比思疑地摸摸下巴。 「你哋識騎馬？」我反問。 「咁將隻馬仔當做載貨工具囉！」富林比比死不放棄，要帶戰馬外出。 「我哋都有背包，唔洗特登搵隻馬運貨吧。」我又答。 「當係移動馬刺身都好！萬一我哋身陷險境，缺水缺糧，可能就要食佢為生。」富林比比平日的危機意識有哪麼高的嗎？ 我放棄反駁了，就把馬都帶出去吧。 「好耶！」富林比比小步跑到戰馬旁邊，然後回頭一問：「我未騎過馬，你哋有冇人可以抱我上去？」 「呢個先係佢真正目的......」艾匡眼神無奈。 如是者，攜同兩人一馬的小旅程就展開。 我曾經答應過艾匡，會跟她一起去冒險，這一次就先當作利息吧。 我負責牽住馬繩領頭，他們兩人則跟在身後。 「點解我哋帶隻馬出嚟，但係唔騎上佢咁傻嘅？」走不到幾步，富林比比就提出疑問。 「咁......艾匡你要坐上去？」我問。 「喔，可以啊。」艾匡上馬的手法也不生硬，不需要協助一下子就騎上。 像帶公主出巡一樣，我們又再前進。 「唔知點解我望住艾匡騎上隻馬，有少少感覺到世間嘅女權主義，正喺沉默中膨漲。」富林比比又說。 「......咁你坐埋上去。」我提起他的吊帶褲，拉他到馬上。 「嘶！！」這次，換馬兒有意見了。…
By
Chinese
M好偏心啊😂
大浪灣有兇獸
大浪灣有隻凶獸
依啊依啊哦
仆街了 會唔會三人去 二人回….