162
法庭兩日後的審判，將於金鐘的中立法庭舉行。 儘管見慣了不少大場面，但此刻間...... 心情還是有些忐忑。 如同走進一個不知會否鎖上的籠子，現在的我至少還能奔跑、還能跳，但誰知道入到倖存區後，還能否走得出來？ 我沒想太多，收拾好心情，決定好兩天後出發。 第二天，艾匡他們全體成員，用木頭雕了一塊又一塊的木製鳥嘴面具，想明天審判入城時，和我一起戴著面具進入倖存區，不過楊良提醒他們不可，因為可能會被盧旺山早前的探員認出。 但這小小的舉動，無擬讓人窩心。 「病獵！特別燒俾你。」富林比比為我送來一條烤魚。 「多謝。」我接過烤魚，輕咬香脆的魚皮一口：「唔......點解咁好味？」 「咁係理所當然，對高手嚟講好味只係基本，更重要內裡嘅變化同奇妙！」想不到富林比比年紀輕輕，卻烤得一手好魚。 「你想唔想返夕鯨國？我聽日就會入去。」 「不了！為咗超越我爸爸廚藝，我必須喺外面努力咁修行。」富林比比拒絕回去。 「喺到修行？」 「真正嘅美食家或者大廚，唔應該局限於倖存區之內，我要親身感受下呢個世界嘅味道。」富林比比將拳頭放在心胸，以示自己的抱負：「就同你哋病獵一樣，明知世界有危險，明知區外幾咁險惡，都依然會......」 「呵，你阿爸係發明「末日罐頭」嘅人？」早在黃竹坑車廠時，我已有疑問。 難得附近沒有外人，關係又深了不少，就問一問他這條私人問題。 「無錯，「末日罐頭」係佢得意之作，佢更加係倖存區嘅食物專家......」富林比比眼神像是凝視強敵般，讀出父親的名字：「富林大比。」 「喔......」他全家的名字都帶點喜感。 「雖然單單靠「末日罐頭」，我哋家族都半世唔洗休，但我從出世一刻，就注定煮嘢食，我一定要喺人類滅亡之前研發到一道超越生與死嘅料理！！！！！」他說得極為激昂。 「加油。」我平淡地，拍拍他的膊。…
By
Chinese
瞓醒有文，正！
多謝墨B
謝謝墨巴🤤
剩低個三把遮會唔會係三凶既屬性
不破眾…
艾匡 好感度 -100
希望今晚有文
不破眾會唔會同不破相班人有關係
怪叔叔唔好攬住艾匡BB
之前外傳好似講過有隻16米病獸，
係呢4隻地水火風其中一隻？
定另一隻黎？🤔
今晚仲有冇( 貪心😛