158
四十五分鐘。 「喀鏗」大閘正式關閉。 血的氣味徘徊每人之間，揮之不去， 病者如山倒般，倒在我們的腳下。 渾身浴血的戰士，呼息輕喘凱旋而回。 大家對於這場勝利，沒有特別感想。 洗走骯髒的血跡，脫下沉重的鎧甲，大家把握這短暫的安全，儘早進行休息和補給。 他們拿了數個罐頭，用短刀打開就吃起來。 有雜豆、沙甸魚、蘑菇、通粉罐頭等等，他們說全都是當年第一次南征戰爭留下的補給品，原本供應給接近上萬前線病獵的罐頭食品，現在只餘下七人食用。 因此，他們物資尚算豐盛，只要全心作戰便可。 「Ｍ，你今場貢獻最大，呢個俾你。」腹間已包上繃帶的陳狩，拋了個罐頭給我。 我接上手：「餐肉？」這牌子第一次見，印著「富林牌餐肉」五字。 「呢啲係「末日罐頭」。」咬斷一根蘿蔔絲的元蒼，說。 「末日罐頭？」我第一次聽這個名稱。 「病港初期嗰陣......」用沸水把通粉弄熱的石在陽，將一匙辣醬直接混入通粉湯裡吃：「城市未完全淪陷，物資仲充足，嗰陣有個五星級主廚？身兼食品研發專家之類嘅人，就把握機會發明咗呢種特別罐頭──「末日罐頭」。全部罐頭食物保質期至少有三十年以上，一般罐頭最多三年，係十倍有多，味道仲無點變質，可以一試。」 「個條友幾識投機，我諗佢淨係靠「末日罐頭」，宜家都日日喺天環區到唔洗休。」姜河冥手握脫水蘋果吃著。 我將餐肉罐頭打開，看到入面紅粉粉的肉糜就忍不住扒起來。 「唔......你哋有冇咩係特別想食？」我邊吃，邊問。 「我啊？新鮮嘅煎蛋呱。」姜河冥答。 不一會，早前引領我行入車廠的送葬人，拉開車門出現眼前：「請問各位仲需唔需要罐頭食物，或者水......」…
By
Chinese
型。又增加副線任務。
睇到起雞皮😋
感謝墨巴
正！多謝墨巴！
今日放榜，瞓醒起身見到好多文，感恩
放榜加油！！！💪🏻
一起身就有2更😭感動死
謝謝墨巴
到底佢地會唔會返去夕鯨國！！！
同埋每次M用大劍就好似開外掛咁AvA
不過感覺到M唔想永遠只靠白鯨的力量先至會用遮
唔夠喉😭😭😭
好正🔥
今晚有文？
未知，要睇腦力夠唔夠
今晚仲有冇?貪心mode
可以無限課金支持
只求墨說撫心的文
再睇1次，有以下疑問：
12小時敲1次，即係1日2次？
咁係咪1800×2？
咁刻名嗰個人係邊個？七病獵唔提佢名嘅？
另外，耆者爬得入黎都打完。。。太攪笑了
唔記得咗邊個係傑洛曼😭
雲梨師父
墨巴寫文越黎越精彩
希望佢地七個有命參加到下次大戰🥺
大劍M 型撚到🤤🤤