129
上到山路病者就相對較少，只偶有一、兩隻在山間徘徊。 我們見到一群病翼在天上飛過，但濃密的葉樹為我提供庇蔭。 「啊～好耐無入過森林，對眼好舒服。」看見一片綠色的植物，蒙柯亞心情特別寫意：「成個夕鯨國就好似個工業大城咁，少少綠化都無，咁搞法人類好快自取滅亡。」 蒙柯亞醫生基本上是個話癆，在某些話題上，就算我和雲梨沒有回應，他都能逕自說下去，直至他自己都厭悶。 說到艾匡的腿傷，他可以說到自己曾經擔任過病者戰爭的軍醫，在戰場上救走過瑪希會長。 「病獵大師，希望你朋友唔好傷到骨頭，唔好似瑪希會長咁企唔返起身。」蒙柯亞醫生說。 「瑪希會長係傷到雙腳骨頭？」 「嗯，不過佢作為一會之長，我哋已經用最頂尖嘅醫療技術將佢腳傷醫返好，但佢患咗一種症狀，令佢仲未企得返起身。」 「係？」 「PTSD，應該都聽唔少？創傷後壓力症候群，形成原因有好多，但最多就係軍人因為戰爭而患上，戰爭太過殘酷、太過恐怖，帶嚟嘅後果超乎你想像，何況係佢一個女人？佢覺得自己背負住太多人嘅死。」 「無睇心理醫生？」我之前看完心理醫生，就洞察了天腦的陰謀。 「有啲事情，應該只有醫到自己吧。」蒙柯亞答。 我們三人轉眼就來到小部落，將單車停泊在一邊。 他們一見到陌生人進入，都即時叫楊良出去看看情況，看來已經把他默認做小領袖。 「鳥嘴先生，你終於返嚟，艾匡佢全身好熱，好似發埋燒咁。」楊良一出來，就跟我交代情況。 「噢，發燒咁嚴重？」蒙柯特將沉甸甸的紅色醫療包提起，跟著楊良行：「請我帶去病患嗰邊。」 「你係醫生？跟我嚟。」楊良把他領進去小屋。 「你入去睇你朋友情況。」雲梨站在小部落的閘口，微微一笑地向我交代：「我幫你睇住門口。」 「好，麻煩你，雲梨。」 小屋只靠自然光照明，任何東西都顯得有點黯淡。…
By
Chinese
CLS 又一把遮
btw 條友啲貨係咩事
咁又拎到第4把 尋寶咩🤣
btw個獵戶真係好柒
居然有狂暴天使！
癡撚線收集啲遮呢一part勁有打機解隱藏任務嘅feel 😂😂😂
狂暴天使令我諗起啲嘢
啪三支+閃電打一打=神
😂😂一個人帶咁多遮出街
儲齊七把係咪會見到七傘？
痴線竟然有熊貓😂
張靈風🥺
😮 點解會有狂暴天使 個timeline係同張靈風﹐十少年同一個?
錯字？「瑪利最小學」
狂暴天使應該只係Ester egg啫
我愛傲霞！我愛傲霞！
條友係咪同廢時一齊黎😂
熊貓叫樂樂🥴🥴
應該要買埋狂暴天使