109
「做返人嘅感覺，點樣？」獨自吃光一盤小龍蝦的王達尼，不忘舔乾淨指頭。 「幾好，有活著嘅感覺。」我放下酒碗。 王達尼托著臉頰，靜靜觀賞這夜市光景：「呢啲人來人往，又熱鬧嘅景色，唔知可以再感受幾耐呢？」 孩子騎在大人肩上，神奇的目光從高高俯望攤位玩意。 情侶挽手漫步，臉頰都快貼在一起。 剛下班的老友結伴同行，嬉笑怒罵地聚餐。 「我原本仲以為呢到會好少人，攤位都無乜。」王達尼把碗裡的酒，一仰喝盡：「因為糧食價格應該仲上升緊，但居然出奇地無暴升到......」 「你預測失誤？」 「唔係。」王達尼搖搖頭，笑道：「我啱啱問咗個老闆，佢話有個人喺早排，捐咗八千萬籽俾成個倖存區，支援咗成個倖存區，令到糧價壓住咗，入貨無咁貴，咁多夜市攤位先仲做得住，所以暫時仲見到呢啲熙熙攘攘嘅景色......算係托個條友所賜吧。」 我淡淡抿嘴：「你唔覺得佢白癡？捐咗咁多籽出去。」 「白癡就肯定嫁啦，不過咁多籽就可以令到咁多人唔洗捱餓，只能夠講好值。」 我將酒碗舉到嘴前想喝下之際，停下手來：「我都差唔多走，仲有少少嘢做。」不想喝得太醉。 「你邊一刻唔係有嘢做。」王達尼好奇一問。 「呵，咁你？有邊刻唔係諗住點賺錢。」我向他反問。 「嘿，你真係好鐘意反問返人～」他無奈苦笑，點根煙到嘴邊。 短短的聚餐結束後，我步出維多利亞夜市，去到中央圖書館的病獵協會，了解一下北角疫區的情況，櫃檯處的霍洛圖館長告訴我，他們也是不久前，才得知北角疫區被清空一事，因為是否真的安全，還是有待確認，所以尚未對外界公佈。 「我哋已經派咗三支病獵小隊過去，檢查成個區域、任何大樓係咪無哂病者，北角都唔算細，我預計要用三至五日左右。」霍洛圖交代。 「佢哋去咗幾耐？」 「三日左右。」 「嗯，唔該。」…
By
Chinese
辛苦墨巴了，
滿足哂
微笑嘅病者，不笑嘅人類
達尼好型
如果係財技方面有得排名，達尼係咪第一😂😂😂
文戲&武戲都好到位💦
今晚仲有冇
有
我仲等緊==
好想同達尼B瘋狂拍賣