95
想必她在家族的職責之一，就是應付這些狂花浪蝶的追求。 除了送花的追求者外，只要現場年紀比較後生的富家公子，都會主動去跟阮秀清打招呼，但從閒談問暖的對話間，可以知道他們很多只是普通朋友的關係，不過追求的心態明顯可見。 阮秀清只是坐在餐廳的一角，就接二連三收到名錶、巧克力、韓牛禮盒、蜂蜜、紅酒、精工鋼筆、方型蘋果、香水等等，全是普通平民難以接觸的奢侈品，她只坐在位子上就得到，但作為上流社會交際關係的樞紐，對待目的明顯的富二代，定必要仔細處理及回應。 「嘿～」坐在鄰桌的名媛，跟同檯的朋友輕蔑一笑：「嗰位小姐又恃自己夠後生～有幾分姿色，就坐喺到扮哂嘢。」 「啱啊～啲男人又係傻嘅，都明知佢家人係搵佢吊住大家族嘅二世祖，佢哋就流哂口水咁秀清前，秀清後，真係腦生草～」 轉眼間，阮秀清那一檯圍住了不少紈絝子弟在高談寬論，內容離不開一般人接觸不到的領域，什麼出海、電影、競技場、生意都說上一輪，幸有一位馬會職員進來，為她帶來了開脫的籍口。 職員用鐵匙子敲敲酒杯：「各位先生、女士，由宜家去到下午六時，都會係聯誼派對時間，馬會大樓外面準備咗一啲小遊戲，歡迎各位參與挑戰，到六點結算時獲得第一名嘅人，我哋馬會機構方將會贈予神秘禮物一份。」宣佈完畢，職員就徐徐離去。 「多謝各位送嚟嘅禮物，不過我更加想你哋投入參與今次嘅慈善活動。」阮秀清嘴唇一抿，提出一項建議：「預期之內嘅快樂，點都及唔上預期之外嘅快樂，我對嗰份神秘禮物更加感興趣。」 送名酒的富家哥，即時同意了：「明白！咁樣的確公平啲，又有趣啲，我會拎到份禮物俾你。」 「秀清你等我！」、「係咪喺大樓對住賽道嗰到？」 阮秀清給出條件後，其他人都逐漸前去挑戰小遊戲。 不到半分鐘，他們全數散去，留下一堆名貴禮品，阮秀清讓下人好好收拾，然後行到來我面前。 「佢連乞衣都唔放過......」那些貴婦小聲地交頭接耳。 「啱啱睇咗好耐戲？」阮秀清抱手，問。 「都想睇下你點樣應付咁多人。」 「正好，想你幫我應付下。」 「我係病獵，唔係出租男友。」我無意間透露了自己身份。 「原來你係病獵？病獵只有報酬嘅話......」她打量著我全身，說：「一般都唔會拒絕人？」 「咁要睇你嘅出價。」 阮秀清向幫她收拾禮物的下人，招了招手：「你想要邊一份？」…
By
Chinese
gtr lol
頭D😂
條友肯定食檸檬
應該會搵M過橋
小心甩尾啊