83
「你身為大病獵咁高位，居然無參與成為狩獵嘅一份子？」我行到棺木前插腰，凝望面無血色的女病童：「唔知嗰位富豪，需唔需要死咗嘅病童。」 「因為宜單生意，最後幾乎俾一個病獵大師全部包攬，嗰個人係病獵協會僅有嘅高手之一，湯婆。」富馬史一邊說，一邊搬開掩蓋地洞的數塊木板。 「可以講下佢？」 有實力者，都是我未來需要拉攏的對象。 「無人知道佢太多事情，佢應該喜歡獨來獨往，只係知道係個上咗年齡嘅女人，有人話佢同病者戰鬥嗰陣，就好似一隻蝴蝶起舞。」富馬史將木板一一搬開後，那猶如深淵的地洞終於呈現：「入面係通去邊到......」 「呢到好似有啲嘢。」我注意到棺木裡，藏有一封信。 那信件一開始被女病童的後腦勺壓住，所以沒能察覺。在我把信件拿出並細閱後，對眼前已魂歸天國的病者，多了一份認識。 信件內的字跡極為慌亂，應該是在混亂或危急的情況下撰寫： 「倖存區外面好似發生混亂......出面好嘈、好多人跑嚟跑去，我唔知發生咩事......宜家我同嗰女，仲有一啲住客匿咗喺唐樓到，但我已經、已經開始聽到樓下單位有笑聲......係病者嘅笑聲......安全起見，我叫嗰女匿喺棺材到再鎖實，諗住帶佢出去，咁就算我俾病者殺咗，佢都唔會有事......讀到宜封信嘅人啊！請你好好照顧我個女......病者已經用力拍緊我門口......十字鎬......我要搵我嘅十字鎬......」 信封內還有一張小照片，是個女兒騎在父親肩上的合照，那女兒戴住個玩具王冠，結合前文後理，我猜測書寫信件的這位父親，便是竊屍王。而她匿藏在棺材中的小女兒，應該就是眼前死不瞑目的病童。 難怪，這名竊屍王是揹住棺木在身，可惜的是她女兒依然受感染了，即使是棺蓋沒有打開的狀態下。 「咩信嚟？」富馬史見我讀了書件好一會，便問。 「無嘢，就只係一件悲劇。」照片我放回棺木中，並將棺蓋合上：「安息。」 富馬史疑惑一笑：「同病者講安息？」 「成為病者之前，佢哋都係併命想要生存嘅人類。」 富馬史無話可駁，轉了別個話題：「有無興趣睇下，下面到底有啲咩。」 「個洞入面？」我低頭凝視那漆黑一片的地洞，連它有多深都不知道。 「下面應該俾呢個竊屍王，挖咗一個通道出嚟，我喺對面大廈監視咗竊屍王好耐，佢一到朝早就會跳入去。」富馬史隨手拿來單位裡一枝原子筆，將它掉入到地洞內：「聽下有幾深先。」 「噠」 三秒左右，是原子筆從手上跌落到地洞最底的時間。…
By
Chinese
好驚阿富豪留左後路
在將軍澳區 隨街中幻覺真是食生菜😂😂😂
如果係男病童
佢應該醒唔番
好刺激，換左另一個視角洗，
墨巴掂，真有你的。
好刺激，換左另一個視角寫，
墨巴掂，真有你的。
我覺得幾正，有啲亞種同中Boss打吓
富豪肯定係伏筆
其實呢度每日過一定留言都應該加更
活捉 hehe
將軍澳嘅人打病童係食生菜sosad!!!!!!!!!
活捉有伏筆!!!
早期啲病臘都好有料喎
可以活捉病童
個網比正常冇課金都係多10話左右 完全同預期中既2-3倍速度唔一樣啊😔 請問有考慮趕下進度嗎
Ok
都要有定時休息，唔好逼得太緊。
加油墨巴 我貨金純粹係當買書咁 支持你
又未有文？