78
大家都進入倉庫後，西門東東負責把大門關好，然後取出鐵鏈和鎖頭將其鎖上。 「呯」 大家先將行李拋到去中間，才逐一搜索整個倉庫。 這裡說大不大，只有一間大班房左右的面積，不過樓底夠高。 「睇嚟呢到淨係用嚟存放小麥。」瑪昆巡視完一圈。 「有個後門直通出面，無門嘅。」行到倉庫最後的王達尼，向我們回報。 「等我嚟！」西門東東從背包拿出一堆木板。 看清楚些，是一塊塊用白繩串連成一排的摺疊板。 西門東東就利用它，來封上後門的空缺。 「啪！啪！」將摺疊板放好位置，就用強力釘槍固定住。 兩下響聲過後，倉庫就正式成為密封的空間。 「你又會咁多工具。」王達尼好奇地觀望。 「呢啲係病獵協會教嘅基本技巧，一個據點嘅防禦最緊要係牢固。」西門東東吹一吹釘槍的管口。 「周圍安全？」我再問一次。 「安全。」劍坤回覆。 「咁商量下，邊個出去先。」我拍拍手，呼叫眾人來到中間。 「唔一齊行動？」瑪昆抱手。 「點都留兩個喺據點。萬一我哋出咗事，佢哋都可以返去通知倖存區。」我做好最壞打算。 「嗯。」瑪昆點點頭。 「邊個想出去？」話畢，兩個人舉手。…
By
Chinese
Rainbow six封木板門😂
出任務啦，好正
開始feel到病獵喺夕鯨國社會嘅重要性
市民抗拒病獵可能因為內心覺得同病獵嘅距離太遠🙁