73
「佢表面有層極強硬嘅不明金屬，推測應該係佢嘅最終保護機制？嘿，幾得意。」李歪觀察觸摸一會，就得出這樣的結論：「係呢位Ｍ先生打贏佢～？」 「係。」瑪昆替我回答。 「咁Ｍ先生～我有冇講錯，你當時應該迫到佢入退無可退嘅絕境。」李歪又問。 「係，佢差一步就會死。」 「凡人之身居然可以打贏白羅剎......」李歪哈哈大笑，嘴角滿含意味：「哈哈有趣，非常有趣。」 我道出最大的隱憂：「我比較擔心嘅，係佢點樣解除呢家嘅封印狀態，既然佢施展得出，就自然會留一後路俾自己，但到底條件係點......無人知道。」 「我哋協會慢慢試，嘻嘿嘿用千百萬種方法試下可以點樣真正殺死佢。」李歪那月湖般的笑眼，又像月亮彎起來：「真係攞正牌嘅虐待......」 「咁李歪，白羅剎就繼續交俾你研究，會長係咁交代落。」瑪昆說。 「放心～放心～病獵協會應該得我一個可以長期面對病者，都唔會有任何負面不適嘻嘻嘻嘿嘿嘿。」李歪如同個白袍藥師，發出不明的笑聲。 「啊，瑪昆，咁會長有冇話我保護運送白羅剎有功，諗住俾啲著數我咁？」薛墊仁插一句嘴，問。 「叻。」瑪昆停頓幾秒，再說：「呢句係我對你講。」 「嘖～」薛墊仁行開到一、二邊。 及後，協會內的專業研究人員亦開始搬運各種儀器，來監視和研究ＤＲ．Ｄ的身體。 「Ｍ，雖然好麻煩你，但都請你上一上去去會長室，因為會長佢有少少行動不便。」瑪昆續說。 「無問題。」行動不便？是雙腳殘疾麼。 離開的路上，我兩眼一直落在不同的玻璃囚室中，去到詭人那一間驗屍房，瑪昆好像特別在意的停下來。 瑪昆眼角稍稍瞄向我：「Ｍ，如果你連白羅剎都殺得到，病獸又可以自己一個單獨對付，咁搵出詭人對你會唔會有難道？哈哈，搞到你好似專做不可能任務咁。」 「對付病獸好困難？」我反問。 「如果一個準備充分，做好哂事前工作，設下哂所有陷阱嘅病獵去對付，應該就唔難，但我睇新聞你係突發應付一隻，喺後面突然追擊出嚟嘅病獵吧？喺無準備嘅情況下，任何人面對呢種情況都九死一生。」瑪昆越說越振奮，潔白的笑齒都呈現而出：「但呢件事都唔夠你，之後喺記者面前講嘅說話......對於我哋病獵嚟講，好有意義。」 「有意義？你哋都可以得閒發表下，反正你要有嘅嘢都有齊。」我是沒什麼財力、地位、聲望，才需要透過這種方法將理念宣揚出。…
By
Chinese
遲咗成個半鐘喎 🙂
DR D 入左城會唔會突然爆到seed殺哂D人 ….
係囉，唔準時應該要加更，
唔係對唔住支持者
將DR.D送入城會唔會好大獲
我猜唔到是什麼….
人肉
之前唔係講過成為病者之後心臟就會停咩
今日嗰篇呢😭