71
就正當眾人觀摩著ＤＲ．Ｄ奧妙的堅固軀體時，甲板之下傳來一聲炸響，撈船亦隨之搖搖晃晃，難以站穩。 「咩、咩事啊！？」梁文俊驚問。 「下面好似有爆炸聲......」梁文豪把耳朵貼住甲板，仔細聆聽：「啲引擎摩打聲好似停咗咁......」 「唔係呱咁大鑊？」王達尼苦惱掩額。 「落去睇睇先。」我建議。 如是者，我和王達尼通往甲板下船底，且看是發生了什麼回事。 結果，如我想像之中的事情發生了，原本正在運作的引擎正冒出黑煙，部份機件給火焰焚燒著，一陣焦味於船底久久不散。 「著埋火？哇！點搞啊大佬，救火呀！救火呀！！」王達尼立即上去，打撈幾桶水撲滅火焰。 「吓！？著火！！？」梁氏兄弟嚇了一跳，馬上幫忙盛水救火。 我們船上五人合力澆水，好不容易才幫引擎滅火，卻又發現引擎無法發動了。 「嗄啊...嗄啊...」梁文俊喘著氣，不忘把事情扯到ＤＲ．Ｄ身上：「一打撈個金像上嚟就無啦啦起火......佢會唔會係咩神明嚟嫁......老闆啊，不如扔返佢落海喇？」 「更加重要嘅係，宜家隻船郁唔到。」梁文豪神情不安。 「更更重要嘅係，你睇下嗰天。」薛墊仁坐在船底梯級上，指一指上方的天空。 今早的藍天，不過曇花一現。 病港經常出現的烏雲、陰風、雷雨，開始悄悄湧現。 微微的雨水毫無預警地落下，甲板很快變成光滑一片的倒影，浪濤亦開始拍打船身，搖搖晃晃之感一直持續。 「船又郁唔到，我哋又無救生小艇用，點搞？真係游水返去啊？」王達尼單手插腰，觀視海上這波濤起伏。 「睇嚟得宜個辦法。」我說。 「吓，認真呢？」王達尼怔然。 「嘿，如果你兩個認為可以捱到天晴，就只能說太天真。」一早握好木弓的薛墊仁，似乎做好了打算：「病鯨好快就會出沒～點解我會跟你呢兩條友嚟送死，唉。」…
By
Chinese
大佬彪
為自由而生，為自由而戰😭😢
M意志力 病者肉體 白鯨經驗包 好撚正
同不破常有冇得比？定係破佛仲有勁過M?
應該不破尚近身格鬥最強