67
炮崗嶺邊境關口休息室。 「黑袍病獵大師神秘現身！炮崗嶺關口......」鮑金坐在我旁邊，讀出第二天報紙頭條的標題：「單人獵殺殘暴病獸！！！」 昨天一結束戰鬥後，我就被送到邊境關口的休息室中進行療養，在床上睡覺恢復體力。 這一睡，就睡到翌日一大早。 早就安全的鮑金沒離我而去之餘，更雙目精靈的為我閱讀關於我的新聞內容，他興奮得七情上面，彷彿這一篇又一篇的報導是讚美著自己般。 這休息室不大，上至天花，下至地板都用松木板建成，小小空間放住六張床，但我應該是炮崗嶺唯一的傷員，需要用到這些床位。 「琴日已經有人幫你檢查咗，我諗應該無咩大問題。」鮑金拍拍床邊，笑著說：「不過呢個都唔係重點......重點係呢家你成為咗大英雄！應該唔少都開始識得你嘿嘿嘿......」 「鮑金，你都幾好人。」我說。 「吓？點解。」 「你連我嗰一份都開心埋。」 「嘿嘿，你睇下呢張相個時機影到幾好先！你把大劍插住病獸條頸，然後你略帶披頭散髮咁走向我哋，模糊不清嘅樣子為你添加咗莫名嘅神秘感，你宜啲係咪叫一戰成名！！！」鮑金又偷偷地笑起上來：「如果我琴日越過電網嘅畫面俾人影到，啲人一定都會覺得好型嘿嘻嘻。」 「......」 「打擾啦。」門外一記敲門，進來那位雪茄司令官。 出奇地，他今天沒咬住雪茄。 他雙手放後緩緩行入，身後跟住兩名士兵。 「身體有冇覺得唔舒服？」雪茄司令官問。 「無，其實我已經可以行。」我掀開被子，右腳先落地。 「你大可以喺到休息多幾日，呵呵，等我哋呢個邊境沾下光都好。」雪茄司令官按耐不住，要吃雪茄提提神了：「嗄～我可以知你嘅名嘛？」 我猶豫半晌，答：「Ｍ。」 「單名一個英文字？」司令官咬住雪茄，含糊不清的說出自己名字：「可以叫我陳日晛，我諗你都應該知，我就係呢個關口管理者？」…
By
Chinese
好有味道🤩
但諗唔明係，
班僱傭兵就咁掉低鮑金少爺，返到去倖存區?
冇理由司令官唔見少爺返黎，仲夠膽放行架，定司令官都收左着數?
又成為傳奇啦佢
點解艾寶林冇病勞耆者？
因為唔會過勞
睇M屈機好有快感
終於見到白鯨實力
淨係呢集係都值回票價
型到呢
成個楊過咁撚型