63
「Ｍ先生，你對病者真係好有興趣咁。」霍洛圖無聲無息，出現我背後。 「呢個馮覓，好厲害。」我視線仍然停留在署名上。 可以一個人把病者的資料，整合得那麼詳細。 「好似......你就係安葬咗佢嘅人？」霍洛圖連這件被協會稱為機密的事都知道，看來地位不低。 「你都知道？」我印象只有跟會長、墨言、墨語，還有瑪昆提起。 「協會內部大大小小嘅事情，我都會知道。」霍洛圖善意一笑，續說：「協會之後都搵人去你埋葬嘅地點調查咗，屍體的確係屬於馮覓。」 「佢生前追蹤到ＤＲ．Ｄ下落，肯定好厲害......」我默默自語。 「ＤＲ．Ｄ？」霍洛圖沒聽過。 「呃咳，白羅剎。」我更正。 「佢係病者嘅追跡專家，仲係協會內僅餘嘅大病獵，我哋唔可以隨便公佈佢死訊，咁會引起協會嘅動蕩同混亂。」 「僅餘嘅大病獵？」我好像聽說過，大病獵是協會內某個階級。 「病獵協會入面有份幾個分級。」霍洛圖指一指，某塊貼住病獵協會資訊的壁佈板。 上面列明了，各個的分級： 學徒，初期投考成功，需要接受嚴格訓練之人。如若身體質素未達標，但擁有專業技能和學識，可以獲轉介入後勤部隊，進行後勤事務。 協會佔，約百餘人。 病獵，成功通過入隊考驗的人。享有病獵協會執照和福利，需要履行協會任務的職責。 協會佔，約九十人。 資深病獵，完成過複數任務，並且加入病獵協會達三年以上，實力達一定程度的人。如若想要晉升為「大病獵」階級，必須以師徒制方式跟隨一名「大病獵」共事。 協會佔，約三十人。 大病獵，為人類作出極大貢獻或研究，擁有實力一人挑戰疫區的病獵，資歷達五年以上。可以收取兩名資深病獵作為徒弟培訓。…
By
Chinese
死咗嗰個原來就係咁撚勁嗰個
點解m唔返去攞返佢嗰張執照
證明佢真係死咗
danny wong架船隻香bb原來..
無垢嬰會唔會就係令dr d復活嘅原因
咁無垢嬰大左，係咪會好似Dr.D, 北賢佢地咁，有另外既特殊能力？
病孕 & 無垢嬰，唸起Hunter 蟻王😂
無垢嬰似係大Boss
會有能力集合病者
見到個名好感動 多謝墨巴