24
「你要我搵嘅人係邊個？」 「一位病獵，亦係我阿哥。」瑪茜利用旅館一樓的電腦，搜尋該名人士的相片：「佢叫瑪昆，四日之前，佢同我交低去咗太古城嗰邊做調查，仲同我講應該一日內會返到，雖然佢經常遲大到......但廢土區應該無嘢值得佢久留，因為根本無咩危險。」 電腦螢幕上，呈現出瑪昆的個人資料，包括姓名、年齡、性別、職業、最後活動倖存區等等。 「宜部電腦......可以查到任何人資料......？」 「可以查閱到任何登記咗夕鯨國護籍嘅居民資料。」瑪茜在鍵盤上，飛快的輸入我名字：「睇嚟你唔似一般鯨寨嘅居民喎，國家資料庫到有你嘅資料。」 「我琴日先登記完。」說到這裡，我想瑪茜幫我一個忙：「你可唔可以幫我查另一個人嘅資料？佢叫艾匡。」 「咁係唔得。」瑪茜決絕地按下關閉，螢幕隨之一黑：「喺呢個世界，電腦係極極極極極重要嘅物件！除咗五級以上官員同病獵之外，無人可以擅自接觸同使用電腦。」 「掂咗會點？」我問。 「鯨寨流連最多嘅就係小偷、強盜，同任何形色嘅犯罪份子，但都無一個人敢嚟呢間精美嘅小旅館打呢部電腦嘅主意，你犯咗法會有幾嚴重。」瑪茜臉色凝重，湊近我雙眸：「喺呢家宜個世界，電腦等同政府一級機密財產，意圖奪取或使用一經定罪，會判入「奴隸營」。」 「奴隸營？」 「一個入到去，無人會想入嘅地方～因為佢指派你做嘅大部份工作，都係有機會同病者接觸，最近嘅奴隸營就喺鯨寨渣嘛。」瑪茜用手臂挽住我頸子，把我拉走遠離電腦：「所以啊，你唔好諗住打電腦嘅注意喇。」 「既然你可以掌管同用電腦，咁你都有一定地位吧。」我淺笑。 「一個小小嘅四級官員。」瑪茜彎嘴、微笑。 「不過你咁輕易信得過我？居然叫我搵你阿哥。」我說。 「一個人嘅肌肉，係唔會呃人。」瑪茜說也不說，就將手放在我腹間：「你宜一副身體，好明顯係經過長期年月嘅訓練，先練得出嘅身體。」 我冷笑：「居然係相信肌肉......」 「我最鐘意同有肌肉嘅人做朋友！」這位熱情的大姐，又再搭肩挽住我脖子：「你叫青茶嘛？從今日起，我字典入面「青茶」呢兩個字又多咗另一個意思。」 「既然你有辦法幫我到達巴爾市，就即管幫下你搵哥哥。」 「你搵唔搵到都好，返嚟同我講一聲啦！反正我幾乎二十四小時都喺呢間旅館到做嘢。」 「好。」…
By
Chinese
睇嚟有新嘢😍😍
墨巴會唔會出多D T____T
重新中左病港毒, 好吊癮
諗起鬼匠