22
廚房一收到指示，就傳出鮮炸的油聲。 一整天幾乎沒吃過東西的我，開始滿腦子都是又脆又香的炸蟲，連同舌液的分泌也大大加速。 在如今的世界中，「炸蟲」算是一種平民的料理。 一來便宜，二來蟲子繁殖快。 只要放點鹽巴的話，就能為你舌頭帶來香口的滋味。 一般來說，炸蟲有分幾種：蚱蜢、竹蟲、蟋蟀、金龜子、田鱉、蠶蛹、蜘蛛、蜈蚣和蜂蛹等等，香港自從少了人類工業廢氣的污染，植物長得極為茂盛，各處荒廢高樓大廈外牆不是被蔓藤纏繞，就是被樹木依附生長，自然反過來侵佔人類居住地。 而一些專做蟲食生意的商人，就會外出將過度繁殖的大樹木枝劈開，通常入面會生活一些幼蟲，又會在花草上拾撿昆蟲，然後拿去作為食材或是繁殖。 因為糧食問題從未消失過，所以炸蟲沒人會太過抗拒，除了艾寶琳貴族區以上的人之外。 「炸香蟲！」侍應很快就遞上料理。 「嗯！炸得唔錯。」魯杜給了數枚鯨幣予侍應。 「你成日食？」我只吃了一條，油香就頓時滿佈口腔。 「一時時啦，搵錢艱難啊。」 「你係做咩？扒手？」 「扒手呢份工只係夜晚嘅兼職啫，我日頭係做苦力。」 「一日賺幾多......鯨幣？」 「唔多，大概就三十塊左右，夕鯨國普遍都係呢個價嫁喇。」魯杜嘴裡還未吃完，手已經放另一條炸蟲入口：「所以我夜晚先要兼職做賊啫。」 「你俾我打完一身仲請我食嘢係咩一回事。」我神色一時緊張，瞪大了眼睛：「唔通......唔通你......」 在蟲子裡！下毒了？ 「嘿......」魯杜低住頭，嘴角一動：「我邊有咁得閒啊！係我太耐未遇過你呢種人，有啲感嘆。」 「我呢種人？」…
By
Chinese
不破眾..不破尚..？
會唔會不破尚都係不破眾之一？
不破眾=而家既政府組織
而不破尚係以前既飛虎隊隊長
不破眾 可能係 用不破尚呢個名, 以前既黑警成立既軍政府XD?
9估, 但覺得墨巴應該會抽下水