19
可惜沒如果，屆時所有鯨香酒將會歸我所有。 聽見他們一個二個狼狽地爬出窗口後，我才把堵住房門的硬物推開，然後閉氣走入熊熊烈火的鯨香酒儲存室，快手將一瓶鯨香酒帶走。 「王達尼！」離開酒廠前，我行到窗口呼喊。 在對面大廈的王達尼聽見後，走到木塞廠窗前一望。 我握著瓶鯨香酒揮一揮手，他向我舉起大姆指。 行動成功，最後便是去樓下會合。 「有條友偷酒啊！」沒有槍口的威脅，塞木廠的員工馬上靠向窗邊大叫：「我認得你個仆街咩樣嫁！」 去到地下時，製酒廠單位經已火光沖天，各家各戶的怪獸樓居民在窗前看戲，我跟王達尼就逃之夭夭。 「哇哈哈哈，大成功。」王達尼回望身後亂成一團的情況，不禁囅然而笑：「你又會咁好嘢嘅，叫你偷枝酒，你就連人哋間廠都燒埋。」 「呯──！」怪獸樓傳來一陣爆炸聲。 這一響令我和王達尼又再相視而笑，看來他們至少要半年才能復工。 「喂，葉青......」王達尼望著我蘊釀很久，像要說出獲獎感言：「我哋終於得咗，即將要入另一個倖存區、另一個世界、識更多嘅人！賺更多嘅錢！係呢，葉青你當初點解要嚟港島呢邊？隔成個海喎，係想要自由定冒險。」 我凝思了一會，目光從王達尼身上移到地下： 「......復仇。」 「吓。」王達尼慢慢停下跑姿，再問一次：「復......仇？」 「係......」我們的步伐停在東大橋前，我指向那關口之後的地方：「我要復仇嘅對象，就喺入面。」 「即、即，即係你，喺宜個世界病變之前，就有個好憎嘅人？但佢係住喺港島......」王達尼感到難以置信，繼續自行理解：「呢七年，就諗住點樣過海報仇？」 「唔係，佢個名......叫艾匡。」 王達尼瞳孔逐漸擴張：「艾、艾......匡？」 「你識佢？」我斜目瞧他一眼。…
By
Chinese
重複咗好大段
ok 改返好